Հայաստանը մտադիր է բարձրակարգ ենթակառուցվածքներով երեք արդյունաբերական պարկ ստեղծել` արտասահմանից արտադրական ընկերություններ ներգրավելու համար: Նրանց թվում են Իրանն ու Ռուսաստանը: Այս մասին սեպտեմբերի 20-ին «Ռուս-հայկական տնտեսական համագործակցություն. Հեռանկարային նախագծեր» թեմայով կլոր սեղանի ժամանակ հայտարարեց Հայաստանի էկոնոմիկայի նախարար Վահան Քերոբյանը:
Նրա խոսքով, մի շարք ռուսական ընկերություններ, որոնք պատժամիջոցների պատճառով դժվարություններ ունեն օտարերկրյա գործընկերների հետ փոխգործակցության առումով, հետաքրքրությամբ են դիտարկում Հայաստանը: «Նրանք նրան ընկալում են որպես բարեկամական հարթակ՝ առանց որեւէ սահմանափակումների բիզնես վարելու համար: Այս առումով Հայաստանը պատրաստ է իր հնարավորությունները կիսել եւ ԱՄՆ-ի, եւ Եվրոպայի հետ»,- ասաց նախարարը:
Նա նաեւ նշեց, որ արդեն պայմանավորվածություն է ձեռք բերվել ընկերություններից մեկի հետ: Այսպես, Հայաստանից ԱՄՆ արեւային վահանակներ արտահանելիս նախատեսվում է ռուսական բաղադրիչներ օգտագործել:
