News
Լրահոս
News
Հինգշաբթի
Հոկտեմբեր 21
Տեսնել լրահոսը


Իրանից եկող երկար բենզատարը Սյունիքով անցնելիս դժվարությամբ շրջադարձ է կատարում եւ կանգ առնում: Շարժիչը կոշտ դռռում է, մեքենան չի կարողանում հաղթահարել կտրուկ բարձրացող ճանապարհը: Ավտոմեքենան կանգ է առնում, նրա օրինակին հետեւում են նաեւ հետեւից ընթացողները: Մի քանի անհաջող փորձից հետո բենզատարը շարժվում է տեղից եւ դանդաղ բարձրանում սարը: Մյուսները բարձրանում են առաջինի հետեւից:

Այսուհետեւ իրանական բեռնատարների համար անվտանգ երթուղին անցնում է շրջանցիկ ճանապարհով՝ Տաթեւի վանքի կողքով: Գորիս-Կապան գլխավոր ճանապարհը մասամբ գտնվում է ադրբեջանական զինուժի վերահսկողության տակ, եւ հակառակորդի սադրիչ գործողություններից, ճանապարհով անցնելու համար գումար հավաքելու փորձերից, հատկապես՝ իրանցի երկու վարորդների «ձերբակալումից» հետո վարորդները նախընտրում են հաղթահարել շրջանցիկ ճանապարհի բարդությունները:

Իսկ այդ ճանապարհը դժվար է ու վտանգավոր: Մինչ տասնյակ բեռնատարներ բարձրանում են զառիվեր լանջով, նույն թվով բեռնատարներ կուտակվել են լեռան տակ՝ Սատանի կամրջի վրա: Շարասյանն ուղեկցում են ոստիկանները: Երթեւեկությունը շատ ինտենսիվ է՝ այնքան, որ մտահոգություն է առաջանում՝ արդյո՞ք Սատանի կամուրջն ընդհանրապես կդիմանա այդպիսի կուտակումների. չէ՞ որ այն բնական կամուրջ է եւ նախկինում  ստիպված չէր նման ծանրությունների դիմանալ: Կամրջի տակ գետն է:

Նույնիսկ համեմատաբար լայն Երեւան-Գորիս մայրուղին (Տաթեւ-Կապան նեղ ճանապարհի համեմատ) տեղ-տեղ տրորված է, հստակ տեսանելի են ծանր բեռնատարների անվահետքերը: Այստեղ սկսում ես ըմբռնումով մտաբերել հարեւան Վրաստանի իշխանությունների դժգոհությունը Հայաստանից մեկնող բեռնատարներից. ասֆալտը փչանում է: Իսկ ի՞նչ կլինի Տաթեւով անցնող ճանապարհի հետ: Լավ է, որ գոնե հասցրեցին ասֆալտապատել: Հայաստանի իշխանությունները, կարծես, կանխատեսում էին, ասֆալտն այստեղ հայտնվեց միայն անցած տարի: Իսկ նոր ճանապարհը խոստանում են կառուցել առնվազն մեկ տարվա ընթացքում: Իսկ ինչպե՞ս անցնել, մինչեւ նորի կառուցումը: Ձմեռը մոտ է, իսկ ձմռանը ինչպե՞ս անցնել այս ճանապարհով: Հարցերը շատ են:

Տաթեւի ճանապարհին հանդիպում էին իրանական բեռնատարների շարասյուներ: Մի տեղ դրանք մոտ 30-ն էին, բեռնատարների մեծ մասը բենզատար է, այստեղից բխող վտանգներով...

Ադրբեջանցիների ագրեսիվ գործողությունների նպատակն է շանտաժի միջոցով ստանալ այսպես կոչված «Զանգեզուրի միջանցքը»՝ միաժամանակ ահաբեկելով տեղի բնակչությանը եւ իրանցի վարորդներին, որպեսզի նրանք զգուշանան եւ խուսափեն գնալ այս ճանապարհով:

Չնայած դրան՝ հաղորդակցությունների բացման շուրջ բանակցությունները շարունակվում են: Այդ մասին Երեւանում կայացած միջոցառման ժամանակ հայտարարեց Ռուսաստանի փոխվարչապետ Ալեքսեյ Օվերչուկը: Նրա խոսքով՝ միջանցքների հարցը չի քննարկվում, այլ քննարկվում է Անդրկովկասում տնտեսական ու տրանսպորտային կապուղիների ապաշրջափակման հարցը: «Բանակցություններն ընթանում են դրական հունով»,- հավելեց Օվերչուկը: Հիշեցնենք, որ նա ղեկավարում է փոխվարչապետների՝ Հարավային Կովկասի տարածաշրջանում հաղորդակցությունների ապաշրջափակման հարցով եռակողմ խումբը:

Ժամանակը ցույց կտա, հիմքեր ունի՞ ՌԴ փոխվարչապետի լավատեսությունը, թե՞ ոչ: Ի դեպ, ավագ սերունդը կարող է պատմել, թե ինչ խնդիրների էին բախվում  Ադրբեջանի տարածքով անցնող ուղեւորատար եւ բեռնատար ավտոմեքենաները, նույնիսկ Արցախյան հակամարտության բռնկումից առաջ: Վերջին իրադարձությունները՝ Հայաստանի երկու բնակիչների առեւանգումը, հուշում են, որ լավատեսությունը պետք է հնարավորինս զուսպ լինի:

 

!
Այս նյութը հասանելի է նաև   Русский
Տպել
Կարդացեք նաև
Ամբողջը
Հաագայի դատական պրոցեսը Արցախի հարցում միջազգային ճիշտ ընկալումների ձևավորման մասին է. Եղիշե Կիրակոսյան
Ընդհանրապես, դատական պրոցեսի ընթացքում մենք ներկայացնում ենք հիմնավոր, միջազգային իրավունքի տեսանկյունից...
Ռուս խաղաղապահները մեկ շաբաթվա ընթացքում ապահովել են ավելի քան 200 տարանցիկ մեքենաների անվտանգ տեղաշարժը ԼՂ
«Դիտակետի անձնակազմը շուրջօրյա վերահսկում է հրադադարի ռեժիմի պահպանումն իրենց պատասխանատվության գոտում․․․
44–ՕՐՅԱ ՊԱՏԵՐԱԶՄ.ՊԱՇՏՈՆԱԿԱՆ ԵՎ ԻՐԱԿԱՆ ՔՐՈՆԻԿՈՆ. ՕՐ 25–ՐԴ՝ ՀՈԿՏԵՄԲԵՐԻ 21
44-օրյա պատերազմից ուղիղ մեկ տարի անց, NEWS.am-ը ներկայացնում է այդ օրերի քրոնիկոնը…
Մհեր Գրիգորյանը մեկնել է Մոսկվա. Սպասվում է ՀՀ-Ադրբեջան-ՌԴ միջկառավարական հանձնաժողովի հերթական հանդիպումը
Դեռ երեկ լրագրողների հետ ճեպազրույցում փոխվարչապետը հայտնել էր, որ օրակարգում տարածաշրջանում տրանսպորտային ուղիների վերաբացման հարցերն...
ՄԻՊ ներկայացուցիչներն այցելել են ադրբեջանական գերությունից երեկ վերադարձածներին
Հիշեցնենք, որ երեկ ՌԴ միջնորդությամբ Ադրբեջանից Հայաստան է վերադարձվել հինգ գերի՝ Մելս Կարապետի Ամբարդյանը, Ռաֆիկ Ռոբերտի Կարապետյանը, Ժորա...
ԵՄ զեկույց. Պատերազմի ժամանակ Թուրքիան Ադրբեջանին տրամադրել է ռազմական աջակցություն, հետախուզական տվյալներ և զենքեր
Զեկույցի այս և մի շարք այլ դրույթներ կարող էին օգտագործվել Հայաստանի կողմից, եթե մենք ունենայինք ազգային իշխանություն…
Ամենաշատ