News
Լրահոս
News
Երկուշաբթի
Հոկտեմբեր 25
Տեսնել լրահոսը


Սեպտեմբերի 18-ին Լեռնապատ գյուղի ԱԹՍ փորձակայանում տեղի ունեցավ «Հաւք 2021» ԱԹՍ առաջին մրցույթը։ Մրցույթն իրականացվել է երեք անվանակարգերում՝ դպրոցահասակներ, սիրողական խմբեր ու սկսնակ ընկերություններ և արհեստավարժ ընկերություններ։ Հաշվի առնելով այս խմբերը` առաջադրվող խնդիրները եղել են պարզ, միջին և բարդ։ Մասնակցել է 27 թիմ։

Կարեն Վարդանյանի անվան կրթական հիմնադրամից NEWS.am-ին հայտնում են, որ թիմերի աշխարհագրությունը բավականին ընդգրկուն էր. կային թիմեր Վանաձորից, Թալինից, Գյումրիից, Գորիսից, Գավառից, Այգուտից, Դիլիջանից, Եղեգնաձորից, Աբովյանից և Երևանից։ Խմբերի առաջ դրվել է երեք խնդիր. կրակի օջախի հայտնաբերում, տուժածի հայտնաբերում և գոյատևման փաթեթի առաքում, հեղուկ նյութերի սփռում։ Նման խնդիրների լուծումը կարող է էապես  բարելավել փրկարարի և առաջին արձագանքողի աշխատանքի արդյունավետությունը։

«Դպրոցահասակներ» անվանակարգում կրակի օջախի հայտնաբերման և հեղուկ նյութերի սփռման խնդիրները լավագույնս լուծել է FlyLab Yerevan, իսկ տուժածի հայտնաբերման և գոյատևման փաթեթի առաքման խնդիրը՝ «Բիւրակն» թիմը։

«Սիրողական խմբեր և սկսնակ ընկերություններ» անվանակարգում կրակի օջախի հայտնաբերման և տուժածի հայտնաբերման ու գոյատևման փաթեթի առաքման հարցերում առաջատարն էր AHEX թիմը, իսկ հեղուկ նյութերի սփռման հարցում՝ FlyLab-ը։

«Արհեստավարժ ընկերություններ» անվանակարգում կրակի օջախի հայտնաբերման խնդիրը լուծելով հաղթող է ճանաչվել «ՊրոՄաք» ընկերության թիմը։

Մրցավարական խմբում ընդգրկված են եղել Հայկ Ասլանյանը (ՀՀ ԲՏԱ նախարարություն), Բագրատ Վարդազարյանը և Արտավազդ Հովհաննիսյանը (ՀՀ ԱԻՆ), Ալեն Ամիրխանյանը և Արամ Հաջյանը (Հայաստանի ամերիկյան համալսարան), Գոռ Բաղդասարյանը (ՊիքսԱրտ), Րաֆֆի Քասարջյանը և Վահագն Պողոսյանը (ԱՏՁՄ), Ավետիք Քերոբյանը և Արման Պողոսյան (Կարեն Վարդանյանի անվան կրթական հիմնադրամ)։

Մրցանակային ֆոնդը, որը տրամադրվել է «ՊիքսԱրտ» ընկերության կողմից, կազմել է 15 միլիոն ՀՀ դրամ։ Առաջին տեղի համար թիմերը ստացել են 800.000, երկրորդ տեղի համար՝ 600.000, իսկ երրորդ տեղի համար՝ 300.000 դրամ մրցանակ։

Մրցույթն իրականացվել է ԵՄ Հորիզոն 2020 «Ռեսպոնդրոն» ծրագրի շրջանակներում, որը միտված է արտակարգ իրավիճակներում իրավիճակային իրազեկման համակարգի զարգացմանն ու կիրառմանը, ինչպես նաև առաջին արձագանքողին անհրաժեշտ տեղեկատվության և կապի ծառայությունների տրամադրմանը:

«Պետք են կազմակերպված կառույցներ եւ այդ հիմքի վրա պետք է իրականացնենք մեր հայկական ժամանակակից պետությունը: Այս խնդիրները պետք է լուծվեն պետականորեն: Շատ գովելի է, որ այսօր հիմնադիրների մեջ են նաեւ պետական կառույցները, բայց նրանք միշտ պետք է հիշեն, որ ժամանակակից, զարգացած երկրների առաջատար ժամանակակից տեխնոլոգիաների հիմնական ներդրողը, հիմնական կառավարողը երկրի ռազմաարդյունաբերական համալիրն է»,-այս մասին նշեց մրցույթի կազմակերպիչներից Հրանտ Խաչատրյանը:

Նշվեց, որ պետությունը կարեւորելով նման միջոցառումները, փորձելու է ամեն ինչով աջակցել թե դրամաշնորհների տեսքով, թե անմիջական մասնակցությամբ. «Տեսնելով դպրոցականներին, ավելի ենք համոզվում, որ ունենք լավ սերունդ, որն ավելի լավը պետք է լինի եւ ավելի արդյունավետ աշխատի»:

Մրցույթի կազմակերպիչներն են «Կարեն Վարդանյանի անվան կրթական հիմնադրամը», ՀՀ արտակարգ իրավիճակների նախարարությունը (ԱԻՆ), ՀՀ բարձր տեխնոլոգիական նախարարությունը, Հայաստանի ամերիկյան համալսարանը (ՀԱՀ) և Առաջատար տեխնոլոգիաների ձեռնարկությունների միությունը (ԱՏՁՄ)։

Տպել
Կարդացեք նաև
Ամբողջը
ՀՀ ԳԱԱ քիմիական ֆիզիկայի ինստիտուտում պայթյունային ռեակցիաների կառավարման նոր մոտեցում են առաջարկել
Այրման ռեժիմում մագնեզիումով մետաղի օքսիդի վերականգնման ռեակցիան բուռն ընթանում է նույնիսկ մագնեզիումի ստեխիոմետրական քանակությունից զգալիորեն...
Կայացել է «Սասունցի Դավիթ» բջջային հավելվածի շնորհանդեսը
Հետագայում ստեղծել ենք հավելվածի անգլերեն տարբերակը, ինչպես նաև ավելացրել նոր բաժիններ և խաղեր: Ավելի ուշ հավելվածը, ԿԳՄՍ նախարարության…
Անլար ականջակալները քողարկել են շրթներկով
Պատյանը պատրաստված է չժանգոտվող պողպատից եւ դիզայնով հիշեցնում է պրեմիում դասի շրթներկ․․․
Հայտնի են ապագայի հիմնական տեխնոլոգիաները
2022թ․ ապագայի հաջորդ գլխավոր նախաձեռնությունը մասնագետներն անվանել են ինքնավար համակարգերը․․․
Oppo-ի առաջին ճկուն էկրանով սմարթֆոնի մասին ազդարարումը սպասվում է նոյեմբերին
Հայտնի է, որ սարքը կպատրաստվի գրքի ձեւով․․․
Բացահայտվել է Samsung Galaxy S22 Ultra-ի դիզայնը
Բացի այդ, օգտատերերը նկատել են, որ Samsung-ը հրաժարվել է տեսախցիկների զանգվածային բլոկից...
Ամենաշատ