News
Լրահոս
News
Երկուշաբթի
Հոկտեմբեր 25
Տեսնել լրահոսը

Սեպտեմբերի 17-ին «Հայաստանի մանուկներ» բարեգործական հիմնադրամը (ՔՈԱՖ) և Ամերիկայի Հայ Ավետարանչական ընկերակցության  (ԱՄԱԱ) Հայաստանի մասնաճյուղը չորսամյա փոխըմբռնման հուշագիր ստորագրեցին Լոռու մարզի 6 համայնքներում (Վահագնի, Եղեգնուտ, Դսեղ, Դեբետ, Չկալով, Ձորագյուղ) կաթնամթերքի արտադրությունը բարելավելու և ընդլայնելու նպատակով։

Բարելավելով արոտավայրերը և անասնակերի արտադրությունը մարզում՝ նախագիծը նպատակ ունի նպաստելու բարձրորակ և բարձրարժեք կաթի արտադրության աճին՝ արտադրությունից մինչև շուկա, ինչպես նաև ապահովելու արժեշղթայի կայունություն և գյուղական բնակավայրերի համար կայուն եկամուտներ։

Համաձայնագրի ստորագրմանը, որը կայացավ Լոռու ՔՈԱՖ ՍՄԱՐԹ կենտրոնում, ներկա էին «Ռազմավարական Զարգացման Գործակալություն» (SDA) ՀԿ-ի, «Բնության համաշխարհային»  հիմնադրամի հայաստանյան մասնաճյուղի (WWF Հայաստան), «Հայկական Կարիտաս»-ի, «ԱՄՔՈՐ»-ի ներկայացուցիչներն ու ծրագրի շահառու գյուղերի համայնքապետերը։

Տնտեսական զարգացումը ՔՈԱՖ-ի ծրագրերի ուղղություններից մեկն է, որ նպաստում է գյուղական համայնքներում ընդհանուր սոցիալ-տնտեսական միջավայրի բազմակողմանի զարգացմանը։ ՔՈԱՖ-ը նախկինում իր տնտեսական ծրագրերի շրջանակում համագործակցել է ՄԱԿ-ի Զարգացման ծրագրի (ՄԱԶԾ) hայաստանյան գրասենյակի հետ, ինչի արդյունքում հատապտուղների սերմեր, կաթիլային ոռոգման համակարգ տրամադրելու և 50 տնային տնտեսությունների՝ հատապտուղների աճեցման և մշակման առանձնահատկություններ սովորեցնելու միջոցով  Լոռու մարզում ձևավորվել է ազնվամորու արժեշղթա։

Հիմնվելով նախորդ ծրագրի հաջողությունների վրա՝ ՔՈԱՖ-ը ցանկանում է այս մոդելը կիրառել նաև Հայաստանի կաթնարտադրության թերզարգացած ոլորտ ունեցող շրջաններում։ ԱՄԱԱ-ի հետ համատեղ ջանքերով ՔՈԱՖ-ը կկարողանա համապարփակ ազդեցություն թողնել Լոռու կաթնամթերքի արտադրության ոլորտում՝ նորարարական մեթոդներով օպտիմալացնելով գոյություն ունեցող 4 բիզնեսներ: Միաժամանակ, կհիմնվեն կաթնամթերքի 2 նոր բիզնեսներ, որոնք կօգտվեն կենդանիների վերարտադրողականության բարձրացման նախաձեռնությունից: Կաթի բարձրացված որակը նոր բիզնեսներին հնարավորություն կտա բարելավել անասնապահությունը, արտադրել բարձրորակ պանիր և մրցունակ դառնալ տեղական ու միջազգային շուկայում։

Նախագծի շրջանակներում տեղացի գյուղատնտեսները նաև ձեռք կբերեն նոր հմտություններ՝ կենդանիների արհեստական բեղմնավորումից մինչև եգիպտացորենի, կորնգանի և առվույտի դաշտերի մշակում։ Գործընկերների գնահատմամբ նախագծի շրջանակներում կստեղծվեն 70-ից ավելի աշխատատեղեր։

!
Այս նյութը հասանելի է նաև   English
Տպել
Կարդացեք նաև
Ամբողջը
Ֆիննախ. Հայաստանում գնաճը կսահմանափակվի միայն օբյեկտիվ գործոններով, այլ ոչ թե՝ աժիոտաժային տրամադրություններով
«Հայաստանն այս տարին ստիպված կլինի փակել գնաճի բարձր ցուցանիշով...
Ֆիննախ. 2022թ. ՀՀ տնտեսական աճի հիմնական շարժիչը կարող են դառնալ շինարարությունը եւ արդյունաբերությունը
Հաջորդ տարի ակնկալում ենք, որ գնաճի միջավայրը կվերադառնա թույլատրելիի սահմաններ, ասել է ֆինանսների նախարարը...
Ֆիննախ. Հայաստանի կառավարության՝ պետական պարտքի սպասարկման ծախսերը 2022թ. կշարունակեն աճել
Հայաստանի պետական պարտքը բավական լուրջ է...
Նիկոլ Փաշինյանը մոլորության մեջ կամ մոլորեցնում է մարդկանց. Պարսյան
Տնտեսությունը կանխատեսածից ավելի արագ չի աճել․ 2021 թվականի պետական բյուջեի համաձայն՝ այս տարվա ընթացքում տնտեսությունը պետք է աճեր...
ՊԵԿ-ը ներմուծող-իրացնող հարկ վճարողների շրջանում բացահայտել է փաստաթղթավորման պահանջի խախտման դեպքեր
Հարկային կարգապահության բարելավման ծրագրի շրջանակում իրականացվել է հարկ վճարողների վարքագծի վերլուծություն...
Հեռու ենք մտքից, որ 2022-ի բյուջեն կլուծի բոլոր խնդիրները. բազմաթիվ սոցիալական խնդիրներ մնալու են չլուծված. Փաշինյան
Հայաստանյան ենթակառուցվածքների զարգացման ուղղությամբ 2022-ին ծախսելու ենք 32 տոկոսով ավելի քան 2021-ին՝ հասցնելով այս ուղղությամբ ծախսերն ավելի...
Ամենաշատ