Թող գործարարները Հայաստանում շփվեն 3-6 լեզուներով: Ոչ ոք դրան չի խանգարում: Այս մասին սեպտեմբերի 20-ին «Armenian Business Forum-2021»-ի շրջանակներում անցկացվող «Հայ-ռուսական տնտեսական համագործակցություն. հեռանկարային նախագծեր» թեմայով բանավեճի ժամանակ ասաց ՀՀ փոխվարչապետ Մհեր Գրիգորյանը:
Փոխվարչապետը տարակուսանք հայտնեց, որ այս հարցում պետությունից ինչ-որ բան կարելի է պահանջել:
Գրիգորյանին պարզաբանեցին, որ այս կամ այն երկիր մուտք գործելիս գործարարները հաճախ ստիպված են լինում զբաղվել փաստաթղթերով, եւ, մասնավորապես, փաստաթղթաշրջանառությամբ:
«Փաստաթղթաշրջանառությունը պարզապես պետք է կրճատել, այլ ոչ թե այդ փաստաթղթերի լեզուն»,- հայտարարեց փոխվարչապետը:
