Անգլիայի հարավ-արեւմուտքում ափի մոտ երեխաների հետ խաղացող ընկերասեր դելֆինը մահացել է, նավակին բախվելով Իռլանդիայում, հայտնում է Daily Mail-ը:
Դելֆինին, որ ավելի շատ սիրում էր մարդկանց հետ «շփվել», քան մյուս դելֆինների, նկատել են Քորնուոլի ծովածոցներից մեկում: Կենդանին լողում էր մարզիկների հետ, խաղում երեխաների հետ: Սոցիալական ցանցերում տարածվել էր Նիկ անունով դելֆինի մասին տեսանյութը։ Միեւնույն ժամանակ, կենդանաբանները պնդում են, որ նման չափազանց բարեկամական վերաբերմունքը նորմայից շեղում է համարվում: Կենդանիները, որոնք նախընտրում են մարդկանց հասարակությունը, այլ ոչ թե այլ դելֆինների, կոչվում են «սոցիալական միայնակներ»:
Սեպտեմբերին դելֆինին Իռլանդիայում մահացած էին գտել: Վնասվածքների բնույթից գիտնականները հասկացել են, որ դելֆինին նավակն է հարվածել, կենդանին մահացել է մարդկանց հանդեպ իր սիրո պատճառով:
