Աֆղանստանին այս պահի դրությամբ հաջողվել է խուսափել քաղաքացիական պատերազմից, հայտարարել է Պակիստանի արտաքին գործերի նախարար Շահ Մեհմուդ Քուրեշին, փոխանցում է ՏԱՍՍ-ը:
«Բոլորը սպասում էին, որ իրավիճակն այլ կերպ կզարգանա: Արյունահեղություն չի եղել, քաղաքացիական պատերազմն այս պահին կանխվել է, չի եղել մարդկանց զանգվածային արտահոսք երկրից»,- ասել է նախարարը:
Քուրեշին հորդորել է չգերագնահատել աֆղանական հասարակության մեջ առկա հակասությունները:
«Ցանկացած հասարակության մեջ, ցանկացած ժողովրդավարության մեջ կան տարբեր տեսակետներ, կան հակասություններ: Բայց դուք նստում եք սեղանի շուրջ, բանակցում եք եւ գտնում եք ձեր ճանապարհը դեպի առաջ: Մարդիկ տարբեր հայացքներ ունեն: Դա շատ բաց հասարակություն է, հավասարազոր հասարակություն է, և բանավիճում է: Բայց ղեկավարների կողմից վերահսկողությունն այնպիսին է, որ երբ բանավեճի արդյունքների հիման վրա որոշում կայացվի, այն կհարգեն»,- հավելեց նա:
