ԱՄՆ Կենտրոնական հետախուզական վարչության (ԿՀՎ) ղեկավարի թիմի անդամներից մեկը՝ Ուիլյամ Բյորնսը, վերջերս Հնդկաստան կատարած այցի ժամանակ հայտնել էր «Հավանայի համախտանիշի» նման ախտանիշների մասին, հայտնում է CNN-ը:
Ճամփորդությունից վերադառնալուն պես աշխատակիցը բժշկական օգնություն էր ստացել ԱՄՆ-ում: Միջադեպը լրջորեն անհանգստացրել էր պաշտոնյաներին եւ Բյորնսին: ԿՀՎ-ի աշխատակիցներից ոմանք միջադեպը մեկնաբանել էին որպես նշան, որ «ոչ ոք պաշտպանված չէ Հավանայի համախտանիշի զոհ դառնալուց, այդ թվում՝ Հետախուզական ծառայության տնօրենի շրջապատը»:
Առաջին անգամ «Հավանայի սինդրոմի» մասին հայտնի էր դարձել 2016 թվականին՝ Կուբայում տեղի ունեցած միջադեպերի կապակցությամբ:
Վաշինգտոնի նախկին վարչակազմը պնդում էր, որ ավելի քան 40 ամերիկացի դիվանագետներ վիրավորվել էին Հավանայում 2016 թվականի նոյեմբերից ի վեր՝ ամերիկյան մամուլում «ակուստիկ հարձակումներ» կոչվող արտաքին ազդեցության հետեւանքով: Միացյալ Նահանգների իշխանությունները Կուբային պատասխանատվության են ենթարկել այդ միջադեպերի համար: Հավանան բազմիցս հերքել է իր մասնակցությունն ամերիկացի դիվանագետների հետ կապված միջադեպերին: 2017-ի հոկտեմբերին կուբացի փորձագետները նաեւ պնդում էին, որ Միացյալ Նահանգները կարող էին խառնել ծղրիդների կամ ցիկադների ծլվլոցն «ակուստիկ գրոհների» հետ: