Եկեք Անկախությունը չխառնենք ուրիշ բանի հետ, սա մի արժեք է, որ բոլոր ազգերն են երազել. Երրորդ Հանրապետությունն արդեն 30 տարի կա եւ հավերժ պետք է գնա: Այս մասին, այսօր՝ սեպտեմբերի 21-ին, «Եռաբլուրում» լրագրողների հետ զրույցում նշեց ԵԿՄ նախագահ Սասուն Միքայելյանը:
Նա «Եռաբլուր» էր այցելել ԵԿՄ-ականների, իր զինակից ընկերների հետ:
«Մենք անկախ պետություն ենք եւ մեր անկախությունը պետք է կարողանանք պահպանել:
Հարցին, թե արդյոք մարտահրավերներ չի տեսնում այսօր, երբ թշնամին կանգնած է Գորիս-Կապան ճանապարհին, Միքայելյանը պատասխանեց. «Ես որպես ԵԿՄ նախագահ, իմ գործն եմ անում, հզորացնում եմ ԵԿՄ-ն, համալրում եմ կառույցը երիտասարդներով, որպեսզի եթե եթե ոտնձգություն լինի Հայաստանի սահմանի դեմ, մենք կանգնենք մեր բանակի կողքին: Առավելեւս մենք հիմա առավել ծանր վիճակում ենք: Եթե էսպես թողնենք ամեն կուսակցություն իր հետաքրքրությունների մեջ, որ ժողովրդին ուրիշ բան են քարոզում, մենք պետք է առավել եւս հիմա համախմբված լինենք»:
Դիտարկմանը, որ Նիկոլ Փաշինյանը հայտարարել է, որ խաղաղ զարգացման դարաշրջան են բերում, ԵԿՄ նախագահն ասաց. «Գնում է բանակցային գործընթաց: Այսօր մեր պետությունը, մեր զինված ուժերը այդ աստիճանի հզոր չենք, որ կարողանանք զենքի, ուժի միջոցով արդյունքի հասնել, բայց դա չի նշանակում, որ պետք է ամեն ինչի համաձայնենք եւ սուսուփուս ինչ ասեն ադրբեջանցիները՝ անենք: Դրա համար մեզ հզորանալ է պետք, մենք դա ենք անում երկրապահներով: Առավելեւս այն տղաները, որ այսօր գերեվարված են թշնամու կողմից, բոլորս էլ գիտակցում ենք, թե մեկ օր, մեկ ժամ ավել մնալն ինչ է նշանակում»:
