News
Լրահոս
News
Շաբաթ
Հոկտեմբեր 23
Տեսնել լրահոսը

Ադրբեջանի իշխանությունները շանտաժի են ենթարկում ԱՄՆ-ին եւ սպառնում հրաժարվել ԵԱՀԿ ՄԽ ձեւաչափից։  

Ծավալուն նյութը, որն ամբողջությամբ բաղկացած է նախատինքներից, Իրանի եւ ԱՄՆ -ի հասցեին ուղղված մեղադրանքներից եւ սպառնալիքներից, գիշերը հրապարակել է haqqin.az-ը։ Հաշվի առնելով հրապարակման հարաբերությունները երկրի իշխանությունների հետ՝ կասկած չկա, որ նյութը արտացոլում է ոչ թե հեղինակի տեսակետը, այլ Ադրբեջանի ղեկավարության դիրքորոշումը:

«Լին Թրեյսիի (Հայաստանում ԱՄՆ դեսպան,-խմբ.) անհիմն եւ անիմաստ հայտարարությունները միայն սրում են տարածաշրջանում առանց այն էլ լարված իրավիճակը, քանի որ դրանք բացահայտորեն ռեւանշիզմ են բորբոքում հայաստանյան քաղաքական էլիտայի մեջ եւ բորբոքում անջատողականության նոր բոց: Ո՞րն է Վաշինգտոնի նպատակը: Սրե՞լ մի փոքր հանդարտված հակամարտությունը: Տարածաշրջան տանող ճանապա՞րհ բացել ուշացած Թեհրանի համար, որը փորձում է ցատկել մեկնող գնացքի վերջին վագոնը։ Օգտվե՞լ նոր իրավիճակից՝ իր ազդեցությունը ընդլայնելու համար: Թրեյսիի հրահրող հայտարարությունների շարանը ինքնագործունեություն չեն։ Թրեյսիի հայտարարությունները վերցված են Պետքարտուղարությունից եւ կրկնում են այն միտքը, որ հակամարտությունը դեռ ավարտված չէ:

Հարց է առաջանում՝ ո՞վ էր 30 տարի շարունակ խանգարում տարածաշրջանում Մինսկի խմբի համանախագահի եւ ՄԱԿ-ի Անվտանգության խորհրդի մշտական ​​անդամի կարգավիճակում գտնվող այնպիսի հզոր պետության, ինչպիսին ԱՄՆ-ն է, «հալեցնել» սառեցված հակամարտությունը»,-գրում է ադրբեջանական պարբերականը՝ այնուհետեւ անցում կատարելով վիրավորանքի՝ նշելով «թոշակի անցած Քերի Քավանոյի անկանոն հիշողությունները կամ պաշտոնաթող Ջեյմս Ուորլիքի անպիտան բարոյախրատական հայտարարությունները»:     

«Եվ ահա պատերազմի ավարտից մեկ տարի անց, որը պայմանավորված էր Վաշինգտոնի քաղաքական անգործությամբ եւ ցինիկ դիվանագիտությամբ, ՀՀ-ում ԱՄՆ դեսպանը վերջնագրի տեսքով Ադրբեջանին է պարտադրում 15-ամյա վաղեմության կարգավորման օրակարգը։ Այսինքն՝ ԱՄՆ դեսպանը փորձում է համոզել Ադրբեջանին քննարկել խնդիրներ, որոնք Վաշինգտոնը չէր նկատում հակամարտության հենց սկզբից: Սիրիական ողբերգությունից, լիբանանյան դրամայից, Իրաքում կատարված ռազմական հանցագործություններից եւ, վերջապես, Աֆղանստանից խայտառակ փախուստից հետո, էլ չենք խոսում նրա ամենամոտ դաշնակից Փարիզին մեջքից հարվածելու մասին, Վաշինգտոնը պետք է վերանայեր իր դերը նոր աշխարհում, սակայն նա կորցրեց  կովկասյան տարածաշրջանի գործերին միջամտելու բարոյական իրավունքը:

Եթե ​​ԱՄՆ կառավարությունը չհրաժարվի այս մոտեցումից, Ադրբեջանը լիովին կհրաժարվի ԵԱՀԿ Մինսկի խմբի ձեւաչափով հանդիպումներից: Ավելին, նա կհրաժարվի բոլոր մակարդակներից: Վաշինգտոնը կարող է ընդունել այս հաղորդագրությունը որպես ոչ պաշտոնական նախազգուշացում»,-ասվում է հոդվածում:   

!
Այս նյութը հասանելի է նաև   Русский
Տպել
Կարդացեք նաև
Ամբողջը
ՀՀ պաշտպանության նախարարն ընդունել է ԿԽՄԿ պատվիրակությանը
Քննարկվել են երկկողմ համագործակցությանը, արցախյան առաջին և երկրորդ պատերազմների արդյունքում անհայտ կորած անձանց վերաբերող հարցեր…
Հայաստանի աշխարհագրական դիրքն այնպիսին է, որ ստիպված եք հավասարակշռություն պահել. Իտալիայի նախկին վարչապետ
Խոսելով Հայաստանի ու հայ ժողովրդի մասին՝ Ռոմանո Պրոդին ասել է...
Ալիևի՝ կրկին թափ ստացած ագրեսիվությունն ու սադրիչ վերաբերմունքը Իրանի նկատմամբ կարող է խաթարել Ադրբեջանի անվտանգությունը
Հոդվածագրի կարծիքով՝ Ալիևի վստահությունն անտեղի և հակաարդյունավետ է…
20 անձ անհետացել են ադրբեջանական գերության մեջ. Հայկական իրավական կենտրոնը նոր գործեր է ներկայացրել ՄԻԵԴ
Իրավական այս գործողությունների նպատակն է նաև ընդգծել, որ Ադրբեջանը տիրապետում է այդ անձանց մասին տեղեկություններին և մինչ այժմ չի…
Այս պահի դրությամբ Հայաստանի վարչապետի և Ադրբեջանի նախագահի միջև որևէ հանդիպում նախատեսված չէ․ ԱԳՆ մամուլի քարտուղար
Միևնույն ժամանակ, 2021 թվականի հունվարի 11-ի հայտարարության հիման վրա՝ Հայաստանը ներգրավված է եռակողմ…
Ադրբեջանի ցամաքային զորքերը զորավարժություններ են սկսել Քաշաթաղում
Հասանովը մեկնել է շրջան, որպեսզի անձամբ հետեւի այնտեղ անցկացվող հրամանատարաշտաբային զորավարժություններին․․․
Ամենաշատ