Աստղադիտարանը Ղարաբաղում գիտական բազայի ստեղծում է նախաձեռնում: Այս մասին սեպտեմբերի 22 -ին Հայաստանի Գիտությունների ակադեմիայում Բյուրականի աստղադիտարանի 75-ամյակին նվիրված նիստին ասաց ԳԱԱ նախագահ Աշոտ Սաղյանը:
Նրա խոսքով՝ դա հնարավորություն կտա Ղարաբաղից ժամանած երիտասարդ գիտնականներին ծանոթանալ երկնային օբյեկտներին: Նա նշեց, որ Բյուրականի աստղադիտարանն աստղագիտության տարածաշրջանային կենտրոն է:
Սաղյանը հիշեցրեց, որ Բյուրականի հետազոտության թվային տարբերակը 20 միլիոն օբյեկտներով սպեկտրներով ընդգրկված է ՅՈւՆԵՍԿՕ-ի ցանկում: «Աստղադիտարանն առանձնանում էր իր միջազգային հեղինակությամբ եւ միշտ սերտ կապեր է ունեցել միջազգային ասպարեզում: Երիտասարդ սերնդի համար այն ունի կարեւոր գիտական, սոցիալական եւ մշակութային նշանակություն»,- հավելեց Գիտությունների ակադեմիայի նախագահը:
