Մեկը կասի Սյունիք, մյուսը կասի՝ զանգեզուր, դրանից էությունը չիփոխվում, դա Հայաստանի ինքնիշխան տարածքն է: Այս մասին, այսօր՝ սեպտեմբերի 22-ին, ԱԺ-ում լրագրողների հետ զրույցում նշեց ԱԺ պաշտպանության, ազգային անվտանգությանհարցերի հանձնաժողովի նախագահ Անդրանիկ Քոչարյանը՝ անդրադառնալով նրան, որ ինքը օգտագործեց Զանգեզուր եզրը, իսկ «Հայաստան» խմբակցությունից Արթուր Ղազինյանն էլ դիտողություն արեց՝ «Սյունիք է, Զանգեզուր չի»:
Ինչ վերաբերում է նրան, որ իրենց հանձնաժողովը 4-րդ անգամ Արթուր Ղաինյանին չընտրեց հանձնաժողովի փոխնախագահի պաշտոնում, արդյոք սա սեւեռվածություն չէ, Անդրանիկ Քոչարյանն ասաց. «Մենք չէ, Ղազինյանի անձի վրա շարունակում է սեւեռված մնալ Ռոբերտ Սեդրակի Քոչարյանը, ոչ թ «Հայաստան» խմբակցությունը, որովհետեւ անընդհատ չի բացատրվում պարոն Ղազինյանի կամ այդ ազգանունի հետ կապված ինչ խնդիր են տեսնում, երբ որ իրենք ունեն եւս երեք նորմալ թեկնածուներ: Թող իրենք քայլ անեն:
Մենք շարժվում ենք ԱԺ կանոնակարգ օրենքով: Այսօր պարոն Ղազինյանը չշարժվեց կանոնակարգ օրենքով, նա պետք է մնար, որովհետեւ էլի հարցեր ունեն պատգամավորները: Ինքը պետք է համոզի հանձնաժողովի անդամներին, որ կողմ քվեարկեն: Իրենք կարող են առաջարկել, բայց չեն կարող պարտադրել: Դոնթի բանաձեւը պարտադրանքի բանաձեւ չի, կոնսենսուսի բանաձեւ է»:
Հիշեցնենք, որ ԱԺ պաշտպանության, ազգային անվտանգության հարցերի հանձնաժողովի փոխնախագահի պաշտոնը ըստ Դոնթի բանաձեւի բաժին է հասել ընդդիմադիր «այաստան» խմբակցությանը: Արդեն 4-րդ անգամ «Հայաստան» խմբակցությունն առաջադրում է Արթուր Ղազինյանի թեկնածությունը, եւ նա չի ընտրվում: «Հայաստան» խմբակցությունում մտադիր չեն փոխել իրենց թեկնածուին:
