Կառավարության նախագծում չկա որեւէ բան, որը կարող է խոսել հանրային շահերի պաշտպանության մասին։ Այս մասին ԱԺ լսումների ժամանակ «Վարչատարածքային բաժանման մասին» օրենքում եւ հարակից օրենքներում փոփոխություններ եւ լրացումներ կատարելու մասին փաթեթի քննարկման ժամանակ հայտարարեց «Հայաստան» խմբակցության պատգամավոր Աշոտ Սիմոնյանը։

Նա համաձայնեց տարածքային կառավարման եւ ենթակառուցվածքների նախարարի տեղակալ Վաչե Տերտերյանի հետ, ով ավելի վաղ հայտարարել էր, որ առաջարկվող նախագիծը, ի թիվս այլնի, հիմնված է նաեւ քաղաքական նկատառումների վրա: «Ես համաձայն եմ ձեզ հետ, բայց կցանկանայի նշել, որ այս դեպքում մենք խոսում ենք բացառապես քաղաքական բաղադրիչի մասին»,-ասաց Սիմոնյանը: Պատգամավորը համոզված է, որ իշխանություններն այսպիսով փորձում են լուծել հրատապ խնդիրները:

 «Ես դա այսպես եմ հասկանում. հոկտեմբերի 17-ին հանրապետության մի քանի համայնքներում օրենքով սահմանված կարգով կասեցվելու են կառավարող մարմինների լիազորությունները: Նշեմ, որ խոսքը ոչ միայն համայնքների ղեկավարների մասին է, որոնց ժամանակավոր պաշտոնակատար եք կատարել, այլեւ ավագանու խորհուրդների»,-նկատեց Սիմոնյանը։