News
Լրահոս
News
Շաբաթ
Հոկտեմբեր 23
Տեսնել լրահոսը

ՎՏԲ -Հայաստան Բանկի Գլխավոր տնօրեն - Տնօրինության նախագահ Իվան Տելեգինը և Գլխավոր տնօրենի - Տնօրինության նախագահի տեղակալ Սոֆյա Մաճկալյանը մասնակցեցին Հայկական գործարար համաժողով 2021-ին: Միջոցառումը կազմակերպել էր Հայ ձեռնարկատերերի ասոցիացիան՝ «Տաշիր» ընկերությունների խմբի աջակցությամբ:

Համաժողովը հավաքել էր հարյուրավոր գործարարների Հայաստանից և արտերկրից: Միջոցառմանը ներկա էին Հայաստանի և Ռուսաստանի կառավարության պաշտոնական ներկայացուցիչները: Ֆորումի հիմնական նպատակները դարձան Հայաստանի տնտեսական ներուժի զարգացումը ներդրումների ներհոսքի միջոցով, տարբեր երկրների ձեռնարկատերերի միջև՝ առաջին հերթին Ռուսաստանից, ավելի սերտ տնտեսական փոխգործակցության ստեղծումը, երիտասարդական ձեռներեցության խթանումն ու աջակցությունը, երկխոսության նոր մակարդակի ստեղծումը ամբողջ աշխարհի հայ գործարար համայնքում:

Միջոցառման առանցքային թեմաներն էին Ռուսաստանի և Հայաստանի գործարար համայնքների միջև արդյունավետ հարաբերությունների ձևավորումը և երկու երկրների միջև տնտեսական կապերի զարգացումը:

Իվան Տելեգինը նշել է. «Ռուս-հայկական հարաբերությունները հիմնված են բարեկամության, գործընկերության և դաշնակցության սկզբունքների վրա, մշակույթի բարի ավանդույթների և հոգևոր մտերմության վրա: Վստահաբար կարող ենք ասել, որ Հայկական գործարար համաժողովը, ստեղծելով տարբեր գործարար համայնքների միջև բաց երկխոսության հարթակ, նպաստում է երկու երկրների միջև առևտրատնտեսական և ներդրումային համագործակցության ամրապնդմանը, Հայաստանի տնտեսության տարբեր ոլորտներում համատեղ ծրագրերի հաջող իրականացմանը»:

Հայկական գործարար համաժողովն անցկացվում է առաջին անգամ, հետագայում ակնկալվում է այն ավելի ընդլայնել, ստեղծել նոր հնարավորություններ ամբողջ աշխարհի հայ գործարար համայնքի միջև տնտեսական փոխգործակցության ամրապնդման համար: Ֆորումը կդառնա տարբեր մակարդակներով գործարար համագործակցության ամենամեծ հարթակն, ինչը կնպաստի Հայաստանում տնտեսական ներուժի աճին և ներդրումային հնարավորությունների զարգացմանը, երկրում նորարար ձեռներեցության ոգու ամրապնդմանը:

Բանկը վերահսկվում է ՀՀ ԿԲ կողմից:

!
Այս նյութը հասանելի է նաև   Русский
Տպել
Կարդացեք նաև
Ամբողջը
Ամերիաբանկ. 62.5%-ով ավելի հարկ` նախորդ տարվա համադրելի ժամանակահատվածի համեմատ
Բանկը պետական բյուջե է վճարել ընդհանուր առմամբ 7.13 մլրդ դրամի հարկ...
Թուրքական լիրան դոլարի նկատմամբ անկման նոր ռեկորդ է սահմանել
Թուրքիայի ԿԲ–ի կողմից...
Թուրքիայի ԿԲ-ն նորից ցնցել է շուկաները՝ նվազեցնելով տոկոսադրույքը. լիրան հասել է նոր նվազագույնի
Թուրքիայի Կենտրոնական բանկը նորից ցնցել է շուկաները...
IDBank-ն ու ԵՊՀ-ն ամփոփեցին Գևորգ Արշակյանի անվան կրթաթոշակի մրցույթը (ֆոտո)
Այսօր բոլորս պետք է բարձր պահենք նրանց անունը և մեր ներդրումն ունենանք մեր երկրի զարգացման գործում...
Մեկնարկել է Yerevan Open 2021 շախմատի միջազգային մրցաշարը (ֆոտո)
Yerevan Open-2021 առաջնությանը մասնակցում է 311 շախմատիստ 14 երկրից՝ 191-ը Հայաստանից և 120-ը արտերկրից...
S&P գործակալությունը բարելավել է Ամերիաբանկի հեռանկարը` սահմանելով այն «դրական»
Սա վարկանիշային գործակալության կողմից Հայաստանի Հանրապետությանը շնորհած առաջին սուվերեն վարկանիշն է...
Ամենաշատ