Լոս Անջելեսում մորն ու դստերը մեղադրանք է առաջադրվել սպանության համար՝ առանց բժշկական կրթության վիրահատություններ կատարելու եւ պացիենտներին վնասելու համար, հաղորդել է Insider-ը:
Լիբի Ադամեն եւ նրա դուստրը՝ Ալիսիա Գոմեսը, 26-ամյա Կարիսա Ռաջպաուլի նստատեղի մեծացման վիրահատություն են անցկացրել: Ռաջպաուլը մահացել է վիրահատության վերջին՝ երրորդ փուլից անմիջապես հետո: Ոստիկանությունը հետաքննություն է սկսել: Ենթադրաբար, այլ հիվանդներ նույնպես կարող էին դառնալ նրանց զոհերը:
Վերոնշյալ վիրահատության համար Ադամեն եւ Գոմեսը ստացել են 3.5-4.5 հազար դոլար, ինչը շատ ավելի էժան է, քան որակավորված մասնագետների մոտ, որոնք վիրահատությունը գնահատում են 10-15 հազար դոլար:
