ԱՄՆ նախագահ Ջո Բայդենը պատրաստվում է մասնակցել հաջորդ ամսվա վերջին Հռոմում նախատեսված G20-ի գագաթնաժողովին, հաղորդում է Axios-ը:
Ըստ աղբյուրների, պետության ղեկավարը «նախատեսում է հաջորդ ամսվա վերջին մասնակցել Հռոմում կայանալիք G20- ի գագաթնաժողովին», այնուհետեւ կմասնակցի ՄԱԿ-ի Կլիմայի փոփոխության շրջանակային կոնվենցիայի Կողմերի 26-րդ համաժողովին, որը տեղի կունենա Գլազգոյում նոյեմբերին:
G20-ի գագաթնաժողովը նախատեսված է Իտալիայի մայրաքաղաքում հոկտեմբերի 30-ից 31-ը:
Մեկ օր առաջ Սպիտակ տունը հայտարարել էր, որ Բայդենը կհանդիպի Ֆրանսիայի նախագահ Էմանուել Մակրոնի հետ «Եվրոպայում հոկտեմբերի վերջին՝ ընդհանուր փոխըմբռնման հասնելու եւ այս գործընթացի դինամիկան պահպանելու համար», սակայն հանդիպման վայրը չի նշվում:
