News
Լրահոս
News
Երեքշաբթի
Նոյեմբեր 29
USD
395.53
EUR
393.43
RUB
6.42
Տեսնել լրահոսը

Ղազախստանի մայրաքաղաք Նուր-Սուլթանում կայացել է ԱՊՀ անդամ-պետությունների գլխավոր դատախազների համակարգող խորհրդի (ԳԴՀԽ) 31-րդ նիստը, որին մասնակցել է նաև ՀՀ գլխավոր դատախազ Արթուր Դավթյանը: 

Դատախազությունից NEWS.am-ին հայտնում են, որ Ֆորումի շրջանակներում քննարկվել են անդամ երկրների դատախազությունների փորձը կոռուպցիայի հակազդման, էկոլոգիական անվտանգության և բարենպաստ շրջակա միջավայր ունենալու քաղաքացիական իրավունքների պաշտպանության, բանկային գաղտնիք պարունակող տվյալների պատշպանության և  քրեական վարույթների շրջանակներում օգտագործման ոլորտներում դատախազական հսկողության, միջազգային ահաբեկչության դեմ պայքարում, ինչպես նաև քրեական գործերի թվայնացման, դատախազական մարմիններում ժամանակակից տեխնոլոգիաների ներդրման ուղղությամբ իրականացվող գործընթացների արդյունավետության խնդիրները:

Վերլուծվել են ԱՊՀ տարածաշրջանում հանցավորության, քննչական և դատախազական աշխատանքի ընդհանուր վիճակները, անդամ-երկրներում հանցագործությունների դեմ պայքարում միջազգային համաձայնագրերի կիրառման պրակտիկան: Հաստատվել են ժամանակակից տեխնոլոգիաների կիրառմամբ կատարվող հանցագործությունների, ահաբեկչության և էքստեմիզմի այլ դրսևորումների, կոռուպցիայի և այլ բնույթի հանցագործությունների դեմ պայքարում անդամ-երկրների դատախազությունների համագործակցության ծրագրերին, Համակարգող խորհրդի աշխատանքների պլանի կատարողականին վերաբերող և այլ բնույթի որոշումները:

ՀՀ գլխավոր դատախազ Արթուր Դավթյանը ելույթ է ունեցել քրեական վարույթների շրջանակներում բանկային տվյալների պաշտպանության և օգտագործման թեմայով՝ ներկայացնելով այդ հարցում մասնավոր և հանրային շահերի հավասարակշռմանը միտված՝ ՀՀ դատական իրավունքում, ինչպես նաև օրենսդրական մակարդակում ՀՀ դատախազության նախաձեռնությամբ կատարված բարեփոխումները:

Ըստ ՀՀ գլխավոր դատախազի՝ բարեփոխումները պայմանավորված են եղել այն հանգամանքով, որ բանկային հաշիվների և ֆինանսական փոխանցումների միջոցով կատարվող հանցագործությունների տեխնոլոգիական զարգացումը հանգեցրել էր նրան, որ նախկին օրենսդրական կարգավորումների պայմաններում հաճախ անհնար էր դառնում փողերի լվացման, ահաբեկչության ֆինանսավորման, ապօրինի հարստացման, կաշառակերության և բանկային օպերացիաների հետ կապված այլ հանցագործությունների բացահայտումը: Ըստ Արթուր Դավթյանի՝ կատարված բարեփոխումներն իրականացվել են բանկային գաղտնիքի բավարար և անհրաժեշտ երաշխիքների պահպանմամբ, որպեսզի նաև չխաթարվի բանկային համակարգի բնականոն և արդյունավետ կենսագործունեությունը, և չոտնահարվեն բիզնեսի և մասնավոր անձանց իրավունքներն ու օրինական շահերը:

«ՀՀ դատախազությունը հետևողական է բանկային գաղտնիքի հետ կապված իրավակիրառ պրակտիկայի և քրեադատավարական ընթացակարգերի պրոգրեսիվ բարեփոխման և կատարելագործման հարցում, ինչի կապակցությամբ պատրաստ ենք հանցավորության դեմ համընդհանուր պայքարի համատեքստում արտերկրյա գործընկեր կառույցների հետ կիսվել մեր փորձով»,-եզրափակել է ելույթը ՀՀ գլխավոր դատախազը:

!
Այս նյութը հասանելի է նաև   Русский
Տպել
Կարդացեք նաև
Ամբողջը
ՀԱՊԿ-ի եւ ՇՀԿ-ի հետ հակաահաբեկչական զորավարժությունների համատեղման շուրջ պայմանավորվածություն է ձեռք բերվել․ Լեբեդեւ
«Ակտիվացել է աշխատանքը ԱՊՀ շրջանակում անվտանգության ապահովման ոլորտում․․․
Կարևորել է վիճակագրության դերակատարումը երկրի կայուն զարգացման տեսանկյունից. Մհեր Գրիգորյանը՝ Կոնստանտին Լայկամին
Փոխվարչապետ Մհեր Գրիգորյանն ընդունել է ԱՊՀ վիճակագրական կոմիտեի նախագահ Կոնստանտին Լայկամին: Հանդիպմանը ներկա էին նաև Հայաստանի...
ՌԴ ԱՀԾ-ն գրանցում է ԱՄՆ-ի եւ Արեւմուտքի մյուս երկրների՝ ԱՊՀ տարածքում հակամարտություններ հրահրելու փորձերը
Ռուսաստանի Արտաքին հետախուզության ծառայությունը գրանցում է ԱՄՆ-ի եւ Արեւմուտքի մյուս երկրների՝ հակամարտություններ հրահրելու փորձերը...
«Հրապարակ». Որտե՞ղ է տեղի ունենալու ՀԱՊԿ խորհրդի նիստը
Մեզ հայտնի դարձավ, որ ՀԱՊԿ խորհրդի նիստը կկայանա Արտակ Թովմասյանի...
ԱՊՀ երկրներում ազգային արժույթներով շրջանառությունն աճել է մի քանի անգամ․ Միջպետական բանկի փոխնախագահ
Նրա հավաստմամբ՝ ԱՊՀ երկրների միջեւ առեւտրում ազգային արժույթներով հաշվարկների մասնաբաժինը աճում է, առաջատար դիրքը զբաղեցնում է ռուբլին, աստիճանաբար աճում են շրջանառությունները նաեւ այլ արժույթներով: 
Մոսկվայում նոյեմբերի 16-ին տեղի կունենա ՀԱՊԿ եւ ՇՀԿ գլխավոր քարտուղարների եւ ԱՊՀ գործադիր կոմիտեի նախագահի հանդիպումը
ՀԱՊԿ գլխավոր քարտուղար Ստանիսլավ Զասը, ԱՊՀ գործադիր կոմիտեի նախագահ Սերգեյ Լեբեդեւը եւ ՇՀԿ գլխավոր քարտուղար Չժան Մինը կքննարկեն․․․
Ամենաշատ