Լեհաստանի իշխանությունները երկրի արեւելքում 250 ամերիկյան Abrams տանկ կտեղակայեն, հայտնում է Associated Press-ը:
Հանրապետության պաշտպանության նախարար Մարիուշ Բլաշակը նշել է, որ Լեհաստանը կունենա «250 ամենաժամանակակից տանկեր, որոնք կտեղակայվեն երկրի արեւելքում»:
Ավելի վաղ հաղորդվել էր, որ չորս տանկային գումարտակները կհամալրեն նոր 18-րդ դիվիզիան: Տանկերի ձեռքբերման ծրագրի իրականացման համար հատկացված ընդհանուր գումարը 23 միլիարդ 300 միլիոն զլոտի է (6 միլիարդ դոլար): Ծրագիրը, տանկերից բացի, լոգիստիկ փաթեթ, ուսուցում, ենթակառուցվածքների մշակում եւ սպառազինություն է ներառում:
