News
Լրահոս
News
Հինգշաբթի
Հոկտեմբեր 28
Տեսնել լրահոսը

Սեպտեմբերի 23-ին ՀՀ ԱԺ նախագահ Ալեն Սիմոնյանն  ընդունեց Հայաստանի Հանրապետությունում Եվրոպական միության պատվիրակության ղեկավար, ԵՄ դեսպան Անդրեա Վիկտորինին:

ԱԺ-ից NEWS.am-ին հայտնում են, որ ողջունելով ԵՄ դեսպանին՝ ԱԺ նախագահը նշեց, որ Եվրոպական միության հետ գործընկերության զարգացումը Հայաստանի արտաքին քաղաքականության առաջնային ուղղություններից է:

Ալեն Սիմոնյանը դեսպանին տեղեկացրեց, որ ՀՀ Ազգային ժողովում ձեւավորվել է «Եվրանեսթ» խորհրդարանական վեհաժողովում ԱԺ պատվիրակությունը, իսկ ԵՄ-Հայաստան խորհրդարանական գործընկերության կոմիտեի ԱԺ պատվիրակությունը ձեւավորման փուլում է:

Խորհրդարանի ղեկավարը երախտագիտություն հայտնեց ԵՄ-ի կողմից տրամադրվող նշանակալի աջակցության համար (2,6 մլրդ եվրո)՝ շեշտելով, որ  այն ուղղված է լինելու մի շարք ուղենշային նախաձեռնությունների:

Շնորհակալություն հայտնելով ընդունելության համար՝ ԵՄ դեսպանն իր խոսքում  մեծապես կարեւորեց 2021 թվականի՝ արդար եւ ժողովրդավարական  խորհրդարանական ընտրությունները:  Նա վերահաստատեց ԵՄ  շարունակական աջակցությունը հայաստանյան ժողովրդավարական բարեփոխումների գործընթացին:

Կողմերն անդրադարձան Լեռնային Ղարաբաղի հակամարտության կարգավորման ներկա փուլին՝ երկուստեք փաստելով, որ  հարցի կարգավորումը պետք է լինի ԵԱՀԿ Մինսկի խմբի համանախագահության հովանու ներքո: Այս համատեքստում քննարկվեցին տարածաշրջանային կայունության  եւ անվտանգության ամրապնդման  հարցերը:  Անդրադարձ եղավ ադրբեջանական ԶՈւ ստորաբաժանումների կողմից ՀՀ ինքնիշխան տարածքի նկատմամբ իրականացվող սադրիչ գործողություններին:

Հանդիպման ավարտին երկուստեք կարեւորվեց  խորհրդարանական ձեւաչափով համագործակցության ակտիվացմանը միտված ծրագրերի իրականացումը:

!
Այս նյութը հասանելի է նաև   English and Русский
Տպել
Կարդացեք նաև
Ամբողջը
Բելգիան Լեհաստանին կոչ է արել ԵՄ-ին չվերաբերվել որպես «բանկոմատի»
Բելգիայի վարչապետն ասել է, որ իր լեհ գործընկերը «կրակի հետ է խաղում՝ պատերազմ մղելով եվրոպացի գործընկերների հետ ներքաղաքական նկատառումներով»․․․
Լեհաստանը 1 միլիոն եվրո կվճարի Եվրադատարանի վճիռների չկատարման յուրաքանչյուր օրվա համար
Դատարանի որոշումը կայացվել է այն բանից հետո, երբ Եվրահանձնաժողովը «ֆինանսական տույժեր» է պահանջել՝ դատարանի հուլիսյան վճռի կատարումն ապահովելու համար...
Եվրամիության երկրներին չի հաջողվել համաձայնության գալ էներգակիրների գների աճին միասնական արձագանքի շուրջ
Գազի եվրոպական գներն այս աշնանը հասել են պատմական առավելագույնին․․․
Եվրոպայում հայտարարել են տեսանելի ապագայում միջուկային էներգիայի անհրաժեշտության մասին
«Այս ճգնաժամը վերջնական ազդանշանն է նրա, թե որքան կարեւոր է «կանաչ» տրանսֆորմացիան...
ԵՄ-ն հետեւում է Թուրքիայի՝ դեսպաններին արտաքսելու որոշման շուրջ ստեղծված իրավիճակին
«Իհարկե, մենք ի գիտություն ենք ընդունել եւ շատ ուշադիր հետեւում ենք իրավիճակին...
ԱՄՆ-ում կանխատեսել են «ապահարզան» Եվրամիության հետ
Հյուսիսատլանտյան դաշինքը լուրջ ճգնաժամ է վերապրում եւ չի կարող պաշտպանել Արեւմուտքի շահերը Եվրոպայի պատճառով․․․
Ամենաշատ