Անհամբերությամբ սպասում ենք առաջընթացի, այդ թվում՝ ԵԱՀԿ ՄԽ համանախագահների մեխանիզմի միջոցով։ Այս մասին Թվիթթերի իր էջում գրել է ԱՄՆ պետքարտուղարի տեղակալ Վիկտորիա Նուլանդը՝ խոսելով Ադրբեջանի արտաքին գործերի նախարար Ջեյհուն Բայրամովի հետ հանդիպման մասին։

Հանդիպումը կայացել է ՄԱԿ-ի ԳԱ 76-րդ նստաշրջանի շրջանակում։

«ԱՄՆ-ն շնորհակալություն է հայտնում Ադրբեջանին՝ Աֆղանստանում տարհանման հարցով մեր ջանքերին աջակցելու համար։ Անհամբերությամբ սպասում ենք առաջընթացի, այդ թվում՝ ԵԱՀԿ ՄԽ համանախագահների մեխանիզմի միջոցով, այնպիսի քայլերում, ինչպես տարածաշրջանում խաղաղությանն ու կայունությանը սատարում, ձերբակալվածների ազատում, ականազերծում եւ քաղաքական հաշտեցում»,-ասել է նա։