News
Լրահոս
News
Հինգշաբթի
Հոկտեմբեր 28
Տեսնել լրահոսը

Տաջիկստանի նախագահ Էմոմալի Ռահմոնը նախազգուշացրել է Աֆղանստանում միջազգային ահաբեկչության վերածննդի սպառնալիքի մասին: Այս մասին Տաջիկստանի ղեկավարը հայտարարել է՝ ելույթ ունենալով ՄԱԿ-ի Գլխավոր ասամբլեայի (ԳԱ) 76-րդ նստաշրջանին, փոխանցում է ՏԱՍՍ-ը:

«Այսօր խաղաղ աֆղանական ժողովուրդը ահաբեկման է բախվել: Մենք պետք է հասկանանք, որ դա Աֆղանստանի ժողովրդի մեղքը չէ, այս իրավիճակը կազմակերպվել է դրսից եւ պարտադրվել է աֆղան ժողովրդին»,- ասել է Էմոմալի Ռահմոնը: «Տարբեր ահաբեկչական խմբավորումներ ակտիվորեն օգտագործում են Աֆղանստանի անկայուն ռազմաքաղաքական իրավիճակը՝ սեփական դիրքերն ամրապնդելու համար»,- ասել է Տաջիկստանի նախագահը:

«Մենք ականատես եղանք «ԻՊ»-ի, «Ալ-Քաիդա»-ի հազարավոր անդամների ազատ արձակմանը: Մենք լրջորեն մտահոգված ենք եւ ափսոսում ենք, որ այսօր Աֆղանստանը կրկին կանգնած է միջազգային ահաբեկչության ձեւավորման հարթակ դառնալու ճանապարհին»,- ասել է Ռահմոնը:

Նա հիշեցրել է, որ ավելի քան 40 տարի Աֆղանստանը տառապում էր զինված հակամարտությունից: «Աշխարհը քաջատեղյակ է 2001 թվականի սեպտեմբերին տեղի ունեցած սարսափելի իրադարձությունների հետեւանքներին»,- հիշեցրել է Տաջիկստանի առաջնորդն ԱՄՆ-ում «Ալ-Քաիդա» խմբավորման կազմակերպած ահաբեկչությունների մասին, որոնց ղեկավարներն այն ժամանակ ապաստան էին ստացել Աֆղանստանում երկրում իշխող թալիբների կողմից: «Տառապող Աֆղանստանը եւ բարեկամ եղբայրական ազգերը չպետք է նորից ներքաշվեն պարտադրված արյունահեղ պատերազմի անդունդի մեջ,- ասել է Տաջիկստանի նախագահը:- Այս կապակցությամբ միջազգային հանրությունը չպետք է անտարբեր մնա Աֆղանստանում եւ հարեւան երկրներում ապրող ազգերի ու ժողովուրդների ճակատագրի նկատմամբ: Ուստի նրանք պետք է ակտիվ գործողություններ ձեռնարկեն այս իրավիճակի հետ կապված»:

Ռահմոնի խոսքով՝ Աֆղանստանում առկա ճգնաժամի պատճառն ԱՄՆ-ի որոշումն էր՝ այդ երկրից զորքերը դուրս բերելու մասին, որը նա անպատասխանատու որակեց: Տաջիկստանի նախագահը հիշեցրել է աֆղանական թալիբների՝ իշխանության գալուց հետո ճգնաժամի սրման հետեւանքով խաղաղ բնակիչների մահվան եւ աֆղանցի զինվորականների ու պետծառայողների նկատմամբ հաշվեհարդարների մասին: Հաշվի առնելով իր աշխարհագրական դիրքը՝ Տաջիկստանը ներկայիս սպառնալիքներին դիմակայման առաջնագծում է, ինչպիսիք են ահաբեկչությունը, ծայրահեղականությունը, արմատականությունը, թմրանյութերի ապօրինի շրջանառությունը, նշել է Էմոմալի Ռահմոնը:

 

!
Այս նյութը հասանելի է նաև   Русский
Տպել
Կարդացեք նաև
Ամբողջը
ԻՊ-ն 6-12 ամսից կարող է հարձակումներ սկսել Աֆղանստանից դուրս. ԱՄՆ հետախուզություն
Նրա խոսքով՝ ԱՄՆ հետախուզությունը կարծում է, որ թալիբները եւ ԻԳԻԼ-ը «մահացու թշնամիներ» են։ Սակայն թալիբները բացառել են ԻԳԻԼ-ի դեմ հակաահաբեկչական գործողություններում ԱՄՆ-ի հետ համագործակցությունը…
Եգիպտոսի նախագահը չեղարկել է 2017 թվականից գործող արտակարգ դրության ռեժիմը
Ուրախ եմ, որ միասին կիսում ենք այն պահը, որին միշտ ձգտել ենք պայքարի եւ տքնաջան աշխատանքի միջոցով․․․
«Իսլամական պետություն»-ը ստանձնել է Քաբուլում էլեկտրակայանում տեղի ունեցած պայթյունի պատասխանատվությունը
Ահաբեկչական խմբավորումը հայտարարել է, որ ահաբեկիչները պայթեցրել են էլեկտրահաղորդակցման գծերը․․․
Դամասկոսում բանակային ավտոբուսում ռումբի պայթյունից զոհվել է առնվազն 13 մարդ
«Երկու պայթուցիկ սարքի կիրառմամբ ահաբեկչական պայթյունն ուղղված էր մայրաքաղաքի առանցքային կամրջով անցնող ավտոբուսին...
Իրաքում ձերբակալել են 2016 թվականին Բաղդադում առեւտրի կենտրոնի մահաբեր պայթյունի կազմակերպչին
Ոստիկանները Associated Press-ին հայտնել են, որ 29-ամյա Գազվան ազ-Զոբային ձերբակալել են բարդ օպերացիայի ընթացքում։ Նա «Ալ-Քաիդա»-ի
Աֆղանստանում շիա մահմեդականների մզկիթի վրա մահապարտ ահաբեկչի հարձակման հետեւանքով 37 մարդ է զոհվել
Երկու պայթուցիկ սարք պայթեցվել է անվտանգության դարպասի մոտ, ինչը թույլ է տվել մյուս երկուսին ներս վազել եւ դանակով հարվածել հավաքվածներին...
Ամենաշատ