News
Լրահոս
News
Շաբաթ
Ապրիլ 20
Տեսնել լրահոսը

Գործողությունների պլանների մշակում, գիտելիքների և տեղեկատվության թարմացում, որը միտված է արտակարգ իրավիճակներում խնդիրների լիարժեք և գրագետ լուծմանը: ԱԻՆ ՓԾ ճգնաժամային կառավարման ազգային կենտրոնում անցկացվել է «ՃԿԱԿ օպերատիվ հերթափոխի անձնակազմի գործողությունները Ախթալայի լեռնահարստացուցիչ կոմբինատի «Նահատակ» պոչամբարի պատվարի փլուզման դեպքում» թեմայով շտաբային ուսումնավարժություն։ Այս մասին NEWS.am-ը տեղեկանում է ԱԻՆ-ից:

Այն իրականացվել է երկու փուլով. խաղարկվել է ահազանգերի, զեկույցների և տվյալների ստացման, անձնակազմի ազդարարման և հավաքի, պոչամբարի պատվարի փլուզման հետևանքով ստեղծված իրավիճակի նախնական բացահայտման գործողությունները։ 2-րդ փուլում անցկացվել են վթարավերականգնողական աշխատանքների ու մշտադիտարկման գործողությունների պլանավորման և կազմակերպման գործընթացներ։

Վարժանքի նպատակն է գնահատել Ճգնաժամային կառավարման ազգային կենտրոնի անձնակազմի գործողությունների օպերատիվությունն ու արդյունավետությունը, կատարելագործել անձնակազմի հմտությունները հնարավոր իրավիճակի դեպքում գործողությունների ծավալման ուղղությամբ, ստուգել և բարձրացնել տեղեկատվության փոխանակման օպերատիվությունն ու արդյունավետությունը շահագրգիռ այլ ծառայությունների և գերատեսչությունների հետ։

Մասնակցել են ՃԿԱԿ ստորաբաժանումներ, բնակչության պաշտպանության և աղետների ռիսկի նվազեցման վարչության տեխնածին աղետների բաժնի և ՓԾ Լոռու մարզային փրկարարական վարչության ներկայացուցիչներ։

Շտաբային ուսումնավարժության ղեկավարման շտաբի պետ, ԱԻՆ ՓԾ ՃԿԱԿ պետի տեղակալ Արսեն Սարոյանի կողմից ամփոփվել են ուսումնավարժության արդյունքները, մատնանշվել բացթողումները, տրվել համապատասխան հանձնարարականներ:

Տպել
Կարդացեք նաև
Ամբողջը
Բելառուսում ձերբակալել են «ազատության» թեմայով բանաստեղծություններ գրող տղամարդու
Ուժայինները հրաժարվել են ձերբակալվածի ստեղծագործություններից հատվածներ մեջբերել, քանի որ դրանք «ատելություն ու վիրավորանք են հրահրում»...
Սանկտ Պետերբուրգի քոլեջում ուսուցիչը դասի ժամանակ կրակ է բացել դատարկ փամփուշտներով
Ուսուցիչը որոշել է իմպրովիզ անել և կրակ է բացել դատարկ փամփուշտներով: Աշակերտները վախեցել են և թաքնվել...
Փարիզում Իրանի հյուպատոսություն պայթուցիկներով ներխուժած տղամարդը բերման է ենթարկվել. ԶԼՄ-ներ
Հեռուստաալիքի տվյալներով՝ իրավախախտին հարցաքննում են BRI Հատուկ քննչական և արագ արձագանքման բրիգադի աշխատակիցները...
Դավիթ Տոնոյանի գործը չի ունեցել իրավական որևէ հիմք. Այս ամենը քաղաքական ուղիղ հրահանգի արդյունք է. փաստաբաններ
Արդեն 2 տարի և 7 ամիս է, ինչ կալանավորված է ՀՀ պաշտպանության նախկին…
Անհայտ անձը սպառնում է պայթեցնել Փարիզում Իրանի հյուպատոսությունը. լրատվամիջոց
Դրա տեղեկություններով՝ ոստիկանները փակել են մետրոյի վեցերորդ գիծը և շրջափակել շենքի շրջակայքը...
Արայիկ Հարությունյանի՝ «Մոշիկ» մականունով հայտնի խորհրդականը՝ ծեծկռտուքի մասնակից. 24news.am
Արայիկ Հարությունյանի օգնականն ու ընկերը եղել են ալկոհոլ օգտագործած վիճակում և իրենց պահել են ոչ պատշաճ…
Ամենաշատ