News
Լրահոս
News
Չորեքշաբթի
Փետրվար 08
USD
395.53
EUR
393.43
RUB
6.42
Տեսնել լրահոսը

Ամերիկացի քարոզիչ Քենեթ Քոուփլենդը հայտարարել է, որ պատվաստանյութերը  սատանայի դրոշմն են եւ բացատրել, որ դրանցից պաշտպանվելու համար նրան անհրաժեշտ է անձնական ինքնաթիռ, հաղորդում է Right Wing Watch-ը:

Դրամահավաքին նվիրված միջոցառման ժամանակ Քոուփլենդը հայտարարել է, որ կրոնական կազմակերպությունները պետք է դադարեն օգտվել ավիաընկերությունների ծառայություններից: Քարոզչի խոսքով՝ դա կապված է հանգամանքի հետ, որ կորոնավիրուսի համավարակի պատճառով ինքնաթիռների մուտքը բաց կլինի միայն պատվաստումից հետո: «Դե ինչ, դա ինձ համար սատանայի նշան է»,-ասել է նա:

Միջոցառմանը նաեւ մասնակցել է քարոզիչ Ջեսի  Դյուփլանթիսը, որն ավելի վաղ պնդում էր, որ մեր օրերում Հիսուս Քրիստոսը կթռներ սեփական ինքնաթիռով: Նա հայտարարել է, որ մարդիկ, որոնք գումար են նվիրաբերում Քոուփլենդին, մոտեցում են Քրիստոսի երկրորդ գալուստը:

Քոուփլենդն արդեն բազմիցս հայտնվել է սկանդալային իրավիճակներում բազմաթիվ անձնական ինքնաթիռների պատճառով: Դեռեւս 2008 թվականին նա ուներ հինգ ինքնաթիռ, որոնցից մեկն արժեր 17,5 միլիոն դոլար: 2018 թվականին քարոզիչը պահանջել էր, որ հավատացյալները նվիրաբերեին իրեն 19,5 միլիոն դոլար ինքնաթիռների կայանատեղին կառուցելու եւ թռիչքուղիները վերանորոգելու համար:

2020 թվականի մարտին Քուփլենդը խոստացել է իր հետեւորդներին բուժել կորոնավիրուսից հեռուստացույցի էկրենից այն կողմ: Այդ նպատակով նա առաջարկել էր ձեռքը դնել հեռուստաէկրանին, շնորհակալություն հայտնել Հիսուսին եւ կրկնել կրոնական բնույթի մի քանի նախադասություն:

!
Այս նյութը հասանելի է նաև   Русский
Տպել
Ամենաշատ
Ֆոտոռեպորտաժներ