News
Լրահոս
News
Շաբաթ
Հոկտեմբեր 16
Տեսնել լրահոսը

Անգլիական Շրյուսբերի քաղաքում հարսն ու փեսան իրենց հարսանիքի ժամանակ անսովոր փորձություններ են մտածել հյուրերի համար, որոնց միջով նրանք ստիպված են եղել անցնել՝ տոնական սեղանին մոտենալու համար, հայտնել է Daily Mirror-ը:

32-ամյա Ջեյմսն ու Ջեմմա Շերեդները օգոստոսի 21-ին իրենց հարսանիքին հրավիրել են 80 հոգու: Ջեյմսը, ով ավագ դպրոցի մաթեմատիկայի ուսուցիչ է, Ջեմմային առաջարկել է ծածկագրել սեղանի համարները. նրանք հյուրերին ստիպել են լուծել իրենց անունների կողքին նշված մաթեմատիկական խնդիրը` պարզելու տոնական սեղանի մոտ նրանց տեղերը: Հարսն ու փեսան տոնակատարությունից առաջ հյուրերին խնդրել են կրկնել դիֆերենցումն եւ եռանկյունաչափությունը:

«Սկզբում հյուրերը խուճապի մատնվեցին, նրանք ասացին՝ միայն ոչ մաթեմատիկա: Սակայն շուտով բոլորը լուծեցին խնդիրները, եւ ոչ ոք սոված չմնաց», - պատմել է Ջեյմսը: Նա խոստովանել է, որ շատ է ափսոսում, որ չի տեսել մաթեմատիկան ատող հյուրերի դեմքերը բարդ խնդիրները լուծելիս:

Ջեյմսը պատմել է, որ ծաղրել է եղբորը եւ նրան տվել ամենահեշտ առաջադրանքը` հաշվել, թե որքան կլինի մեկին գումարած մեկ: Մյուս կողմից՝ փեսայի ընկերոջը, ով կրթությամբ մաթեմատիկոս է, բաժին է ընկել ամենադժվար խնդիրը:

!
Այս նյութը հասանելի է նաև   Русский
Տպել
Ամենաշատ