Չադի անցումային ռազմական խորհրդի ղեկավար Մահամաթ Իդրիս Դեբի Իտնոն հրամանագիր է ստորագրել անցումային խորհրդարան ստեղծելու մասին, հայտնում է AFP-ն:
Նոր մարմինը կկոչվի Ազգային անցումային խորհուրդ: Այն կընդգրկի 93 պատգամավոր, որոնցից 30 տոկոսը՝ Ազգային ասամբլեայի նախկին պատգամավորներ, 30 տոկոսը՝ կանայք, եւս 30 տոկոսը՝ երիտասարդության ներկայացուցիչներ:
Հրամանագրի համաձայն՝ Անցումային ազգային խորհուրդն իրականացնելու է ավելի վաղ լուծարված Ազգային ժողովի գործառույթները՝ մինչ երկրում պետական կառույցների վերականգնումը:
Ապրիլի 20-ին հայտարարվել էր, որ Չադի ղեկավար Իդրիս Դեբի Իտնոն, ով իշխանության ղեկին էր ավելի քան 30 տարի, մահացել է ապստամբների զորքերի հետ մարտում: Սահմանադրությունը դադարել էր գործել, խորհրդարանն ու կառավարությունը՝ լուծարվել: Չադի ռազմական ղեկավարությունը հայտարարել էր, որ երկրում 18 ամսից նորացված պետական կառույցների ժողովրդավարական ընտրություններ կանցկացնեն:
