Ընդդիմադիր Միացյալ պլատֆորմի կոալիցիան հայտարարել է, որ Վենեսուելայի կառավարության պատվիրակությունը չի ժամանել Մեքսիկա՝ ընդդիմության հետ բանակցությունների նոր փուլի անցկացման համար, հաղորդում է Reuters-ը:
«Ռեժիմից պատվիրակության բացակայության պատճառով Միացյալ հարթակի պատվիրակությունը վերահաստատում է իր հանձնառությունը շարունակել այս բանակցային գործընթացն այն նորմերի շրջանակներում, որոնք համաձայնեցվել են փոխըմբռնման հուշագրում»,- ասվում է հայտարարության մեջ:
Ընդդիմությունը պնդում է, որ իրենց պատվիրակությունը ժամանել է Մեքսիկա՝ քննարկելու արդարադատության համակարգի բարեփոխումները եւ սոցիալական խնդիրների լուծման մեխանիզմի աշխատանքը, որի ստեղծման շուրջ կառավարությունն եւ ընդդիմախոսները համաձայնության էին եկել բանակցությունների վերջին փուլի ընթացքում:
Վենեսուելայի կառավարությունը դեռ չի մեկնաբանել երկխոսության վերսկսման ձգձգումը: Ավելի վաղ Ազգային ժողովի նախագահ Խորխե Ռոդրիգեսը, ով գլխավորում էր կառավարական պատվիրակությունը, հայտարարել էր, որ բանակցությունների նոր փուլը պետք է կայանա սեպտեմբերի 24-27-ը:
