News
Լրահոս
News
Կիրակի
Հոկտեմբեր 17
Տեսնել լրահոսը

Հայկական բարեգործական ընդհանուր միությունը հայտարարություն է տարածել, որում ասվում է․

2020թ. սեպտեմբերի 27-ին հայկական աշխարհը բախվեց Հայրենիքի ազգային անվտանգության պահպանման խնդրին: Ճակատագրական այդ օրից ի վեր, Հայաստանի և Արցախի ժողովուրդները բազմաթիվ փորձությունների միջով են անցնում:

ՀԲԸՄ-ն մաղթում է նրանց տոկունություն և մխիթարանք Արցախյան երկրորդ պատերազմից ապաքինվելու դժվարին ճանապարհին։ Մտորելով այս վշտալի իրադարձության մասին՝ ՀԲԸՄ նախագահ Պերճ Սեդրակյանն ասել է. «Այս օրն, անկասկած, կհիշվի որպես հայոց պատմության տխուր էջերից մեկը:

Բայց այսօր ՀԲԸՄ-ն կենտրոնանում է այն մարդկանց վրա, որոնք 44 օր շարունակ դիմակայել են թշնամու անմարդկային դաժանություններին: Մեր մտքերը նաև այն ընտանիքների հետ են, որոնք կորցրել են իրենց սիրելիներին պատերազմի դաշտում կամ եղել և շարունակում են լինել պատերազմական հանցագործությունների զոհ՝ այդ թվում նաև պատերազմի գերիները, որոնք դեռ պահվում են միջազգային և մարդու իրավունքների կոպիտ խախտմամբ:

Հարգելով մեր բոլոր քաջ նահատակների հիշատակը, որը մշտապես վառ կմնա ողջ հայ ազգի հիշողության մեջ՝ մենք մեր սրտերում ամուր ենք պահում նաև ծանր վիրավորում ստացած մեր հերոսներին»:

Միևնույն ժամանակ ՀԲԸՄ-ն արժևորում է ճգնաժամի մեջ գտնվող հայերին աջակցելու հայկական համերաշխության խոր զգացումը, որը դրսևորվել է սփյուռքի մեր նվիրատուների, կամավորների, աջակիցների, գործընկերների և ընկերների կողմից: Միասին նրանք իսկապես մարմնավորում են ՀԲԸՄ-ի հավերժական կարգախոսը՝ «Միությունը զորություն է»:

Տպել
Կարդացեք նաև
Ամբողջը
Հադրութի շրջանից հայտնաբերվել է 2 աճյուն․ Արցախի ԱԻՊԾ
Նրանց ինքնությունը կպարզվի դատաբժշկական փորձաքննությունից հետո…
Դաժան օրեր ենք ապրում, թուրքը հասել է ՀՀ սահմաններին. Սասուն Միքայելյան
Տղերքը հաղթել են, նրանք ընկան, չտեսան այս պարտությունը եւ ես միշտ ասել եմ` որտեղ, որ ընկել են տղաները, դա մեր համար սրբավայր…
Հմուտ հրետանավոր էր. սեպտեմբերի 29-ին Յուրին կամավորագրվել եւ Սիսիանի գնդի հետ մեկնել էր Արցախ (ֆոտո)
Սեպտեմբերի 27-ին, երբ սկսվեց պատերազմը, Յուրիի ռազմատենչ ու հայրենասեր ոգին…
«Զանգում էր, ասում՝ մի նեղվի, մտածի՝ սալյուտ են խփում»․ 19-ամյա Արամայիսը (Միշոն) զոհվել է դիպուկահարի կրակոցից
Արամայիսը սովորում էր Ռուսաստանի տնտեսագիտական համալսարանի երևանյան մասնաճյուղում…
Տանկիստ Դավիթն իր մի քանի ընկերների հետ զոհվեց դավաճանության, հանցագործության հետեւանքով. այսօր նրան հողին հանձնեցին
Իսկ դուք դավաճաններ, վախկոտներ մտածեք ձեր ապագայի ու դատաստանի մասին…
44–ՕՐՅԱ ՊԱՏԵՐԱԶՄ. ՊԱՇՏՈՆԱԿԱՆ ԵՎ ԻՐԱԿԱՆ ՔՐՈՆԻԿՈՆ. ՕՐ 20–ՐԴ՝ ՀՈԿՏԵՄԲԵՐԻ 16
44-օրյա պատերազմից ուղիղ մեկ տարի անց, NEWS.am-ը ներկայացնում է այդ օրերի քրոնիկոնը…
Ամենաշատ