News
Լրահոս
News
Շաբաթ
Հոկտեմբեր 23
Տեսնել լրահոսը

Ադրբեջանի նախագահ Իլհամ Ալիեւը փաստերը գլխիվայր շրջելու իր սովորության համաձայն  ԵԱՀԿ ՄԽ-ին մեղադրել է ԼՂ-ի դեմ իր ագրեսիայի համար պայմաններ ստեղծելու մեջ։ Նա նման կարծիք է հայտնել Անադոլուին տված հարցազրույցում։

Նշելով, որ ԵԱՀԿ Մինսկի խումբն անգործության է մատնված եւ չի ցանկանում լուրջ ճնշում գործադրել Երեւանի վրա՝ Ալիեւն ասել է, որ համանախագահ երկրները նախընտրում են «ոչ պատերազմ, ոչ խաղաղություն» քաղաքականությունը: Շարունակելով մեղադրանքների շարանը՝ Ադրբեջանի նախագահը վստահեցրել է, որ 2018 թվականին Հայաստանում իշխանության եկած նոր ղեկավարությունը նույնպես լուրջ հարված է հասցրել բանակցային գործընթացին:  

«Նրանց անտեղի եւ անպատասխանատու հայտարարությունները փաստացի կաթվածահար են արել  բանակցային գործընթացը: Նման իրավիճակում Մինսկի խումբը պետք է ավելի դրական ու համարձակ քայլեր աներ, բայց նրանք պարզապես հետեւում էին: Նրանք պարզապես հանդիսատեսի դիրք զբաղեցրեցին: Ղարաբաղյան երկրորդ պատերազմի բռնկման ամենամեծ պատասխանատուն, իհարկե, Հայաստանն է»,-ասել է նա։

«Ցավոք, հետագա շրջանը նույնպես ցույց տվեց, որ Մինսկի խումբը մտադիր չէ լուծել այս հարցը: Եվ մենք եւս մեկ անգամ համոզվեցինք դրանում 44-օրյա պատերազմի ժամանակ: Բացարձակ անարդար էր ՄԱԿ-ում մեր դեմ պատժամիջոցների հարցը բարձրացնելը պատերազմի ընթացքում, երբ մենք վերականգնում էինք միջազգային իրավունքի ազդեցությունը մեր հողերի վրա եւ պատերազմ էինք մղում հանուն արդարության։ Այսօր՝  չնայած այն բանին, որ մեկ տարի է անցել, նրանց կողմից առաջարկություններ չկան։ Ես նորից եմ ուզում ասել, որ Ղարաբաղյան երկրորդ պատերազմից հետո մենք որեւէ առաջարկ չենք ստացել Մինսկի խմբից: Եվ քանի որ նախաձեռնություններ չկան, անտեղի է խոսել Մինսկի խմբի գործունեության մասին: Անցել է մեկ տարի: Ի՞նչ եք առաջարկում։ Դուք ասում եք, որ խնդիրը լուծման կարիք ունի: Ես Ադրբեջանի անունից հայտարարում եմ, որ հակամարտությունը լուծված է»,-հավելել է Ալիեւը։ 

!
Այս նյութը հասանելի է նաև   English and Русский
Տպել
Կարդացեք նաև
Ամբողջը
Ադրբեջանի խորհրդարանի նախագահը ԵԱՀԿ ԽՎ ղեկավարից պահանջում է չօգտագործել «Լեռնային Ղարաբաղի հակամարտություն» եզրույթը.
Հավանաբար, ըստ Գաֆարովայի տրամաբանության, այժմ հակամարտությունը պետք է կոչվի «արեւելազանգեզուրյան-ղարաբաղյան»...
Ալեն Սիմոնյանը հանդիպել է Սլովենիայի Ազգային ժողովի նախագահի հետ
Սիմոնյանը բարձր է գնահատել Սլովենիայի հավասարակշռված մոտեցումը ԼՂ հիմնահարցում…
Արարատ Միրզոյանը հեռախոսազրույց է ունեցել ԱՄՆ պետքարտուղարի տեղակալի հետ
Երկուստեք կարևորվել է Լեռնային Ղարաբաղի հակամարտության խաղաղ կարգավորումը ԵԱՀԿ Մինսկի խմբի համանախագահության մանդատի շրջանակներում…
Արարատ Միրզոյանն ընդունել է Հարավային Կովկասում և Վրաստանի ճգնաժամի հարցերով ԵՄ հատուկ ներկայացուցչին
Երկուստեք ընդգծվել է ԵԱՀԿ Մինսկի խմբի համանախագահության մանդատի ներքո…
Փաշինյան. Երեւանի եւ Բաքվի միջեւ խաղաղ բանակցությունները պետք է վերականգնվեն ԵԱՀԿ ՄԽ հովանու ներքո
Նրա խոսքով՝ Երեւանն ու Բաքուն պետք է խաղաղ պայմանագիր կնքեն․․․
Դեռևս վաղ է ասել, որ Մինսկի խմբի ձևաչափը «մահացած է». վերլուծաբան
Հոկտեմբերի 14-ին Մինսկում Ռուսաստանի միջնորդությամբ կայացավ ՌԴ-ի, Ադրբեջանի և ՀՀ-ի արտգործնախարարների եռակողմ հանդիպումը…
Ամենաշատ