News
Լրահոս
News
Հինգշաբթի
Հոկտեմբեր 21
Տեսնել լրահոսը


44-օրյա պատերազմից անցել է մեկ տարի, իսկ զոհված զինծառայողների հարազատների համար ժամանակը կանգ է առել։ «Եռաբլուր» զինվորական պանթեոնում է ննջում 18-ամյա Արշավիրը։ Նա ծառայության էր մեկնել օգոստոսի 27-ին. մեկ ամիս անց էլ սկսվել է 44-օրյա պատերազմը։

Արշավիրը տան միակ զավակն էր, ուներ քույր, որն ամուսնացած է։ Հայրը NEWS.am-ի հետ զրույցում պատմեց, որ որդին 42 օր կռվել է։

«Չհասցրեց իր նախասիրություններն իրականություն դարձնել։ Ես արհեստավոր եմ, ինքն էլ էր սովորել արհեստս։ Ասում են՝ չի կռվել, բայց սուտ են ասում, 42 օր կռվել է։ Վերջին 2 օրը զոհվեց Շուշիում։ Ասկերանից սկսեց, հետո Հադրութ գնաց՝ տարբեր ուղղություններով, զոհվեց Շուշիում»,- ասաց հայրը։

Նա պատմեց, որ վերջին անգամ որդու հետ նոյեմբերի 7-ի՝ առավոտյան 8։20-ին է խոսել.

«2 օր հետո զինադադար եղավ։ Նույն օրը ընկերուհուն էր զանգահարել, չէին հասցրել խոսել։ Մինչեւ իրիկուն ողջ է եղել, էլ լուր չեմ ունեցել։ Ամսի 15-ին էլ ասեցին՝ ուր է դին։ Աստծուց գոհ եմ նրանում, որ 2 օր տղուս գրկեցի, նոր դրեցի հողին։ Վիրավորվել էր թոքերից, հետո եկել էին ու գլխից էին խփել։ Ամսի 7-ին հենց ասեցի՝ տղես որտե՞ղ ես, ասաց՝ Շուշիում, ընթացքում սնարյադի ձայն լսեցի, ասացի՝ տղես էս ի՞նչ ձայն էր, ասաց՝ պապ մեծ տեղը ընկավ, ասացի՝ բա որ ձեր կողմ ընկներ, ասաց՝ պապ հո կռիվ կինո չե՞նք եկել, պատերազմ է, այնտեղ որ ընկավ, գիտես՝ այնտեղ չզոհվեցի՞ն։ Մեզ խափելով՝ կռվեցին։ Էս երեխեքի արդյունն այդ տականքների, դավաճանների վզովն ա։ Աստված վերեւից նայում է, բոլորի պատիժը կտա։ Ասում էր՝ պապ մենակ գիշերները ջուր ենք տանում կռվող տղերքին, բայց սուտ»։

Արշավիրի հայրն ասաց, որ զինակից ընկերներից մեկը պատերազմի մասին գիրք է գրում. «Մանրամասն գրում է, թե ոնց է եղել։ Բոլորի հետ շփվում եմ։ Ասել եմ՝ թեկուզ մի մեծ վաշտի ուզում եմ հավաքել, թող գան։ Տղես իր ընկերոջ հետ արյունն աչքերին մի քանի հոգու կյանք է փրկել»։

Եռաբլուրում է նաեւ Վարանդայի շրջանում զոհված Հրայրի տատը։ Վերջին անգամ հոկտեմբերի 12-ին է խոսել, զոհվելուց 3 ամիս հետո են գտել դին.

«3 ամիս փնտրելուց հետո գտանք։ Հոկտեմբերի 12-ին եմ խոսել հետը, ասում էր՝ տատիկ ջան, ամեն ինչ լավ կլինի, կգամ»։

Մելքոն Հովհաննիսյանն էլ 1,5 ամիս էր ծառայել բանակում, երբ սկսվեց պատերազմը։ Նա նույնպես Հադրութում էր ծառայում.

«Վերջին անգամ հայրը հոկտեմբերի 15-ին է խոսել, դրանից հետո էլ լուր չենք ունեցել։ Սպասում էինք մի լավ լուրի ու տենց էլ չստացվեց։ Սպորտսմեն էր, ինչքան գնացել է Եվրոպա, Հայաստանի դրոշը միշտ բարձր է պահել, հաղթանակած է եկել։ Հիմա էլ չեմպիոն ճանապարհեցի, հերոս ընդունեցի»։

Տպել
Կարդացեք նաև
Ամբողջը
Արարատ Միրզոյանը հեռախոսազրույց է ունեցել ԱՄՆ պետքարտուղարի տեղակալի հետ
Երկուստեք կարևորվել է Լեռնային Ղարաբաղի հակամարտության խաղաղ կարգավորումը ԵԱՀԿ Մինսկի խմբի համանախագահության մանդատի շրջանակներում…
Պաշտպանության նախարարն ու ՆԱՏՕ-ի գլխավոր քարտուղարի հատուկ ներկայացուցիչը տարածաշրջանային հարցեր են քննարկել
Կարապետյանը նշել է 44-օրյա պատերազմում ՆԱՏՕ-ի անդամ երկրի` Թուրքիայի դերակատարության մասին…
Եթե իշխանությունն ընդուներ Պուտինի առաջարկն ու կանգնեցներ պատերազմը, մոտ 2500-ով քիչ զոհ կունենայինք. Տիգրան Աբրահամյան
Պատգամավորի խոսքով՝ պետական համակարգը պատերազմի նապաշեմին չի բերվել պատրաստվածության անհրաժեշտ մակարդակի…
Էդ Արայիկ Հարությունյանը չէ՞ր, որ ասում էր՝ Արցախի օդը փակ է. է՞դ էր փակը. զոհվածի հայր
Բոլոր հրամանատարները սրան են ենթարկվել։ Ականատես եմ, գնացել եմ, էդ ամեն ինչը տեսել եմ իմ աչքերով։ Մենք պետք է պահանջենք այդ բոլորի դատավարությունը...
Զախարովա. Ռուսաստանը պատրաստ է մասնակցել Ադրբեջանին «վերադարձված» տարածքների հետկոնֆլիկտային վերականգնմանը
«Որքան հասկանում եմ, խոսքը Ռուսաստանի, Հայաստանի եւ Ադրբեջանի ղեկավարների՝ 2020 թվականի նոյեմբերի 9-ի հայտարարությամբ Ադրբեջանին վերադարձված տարածքների մասին է...
Հերոսի կոչում են տվել մարդկանց, որոնք բացի հանձնելուց որեւէ այլ բան չեն արել. Արթուր Ղազինյան
Այն մարդիկ, որոնք ուղղակի կամ անուղղակի մասնակից են եղել այս դավադիր պատերազմի ծրագրավորմանը, իրականացմանը, ուշ թե շուտ, միևնույն է...
Ամենաշատ