News
Լրահոս
News
Հինգշաբթի
Հոկտեմբեր 21
Տեսնել լրահոսը


Ամեն անգամ նույն աշխատաձեւով ներկայացնել Արթուր Ղազինյանին, քննարկել, հարց տալ, հետո չքվեարկել կամ դեմ քվեարկել, այս անիմաստ քննարկմանը մենք չենք կարող մասնակցել: Այս մասին այսօր՝ սեպտեմբերի 28-ին, ԱԺ պաշտպանության և անվտանգության հարցերի հանձնաժողովի արտահերթ նիստում հայտարարեց հանձնաժողովի անդամ, ԱԺ «Հայաստան» խմբակցության անդամ Գեղամ Մանուկյանը՝ անդրադառնալով հանձնաժողովի փոխնախագահի պաշտոնում Արթուր Ղազինյանի թեկնածությունը քննարկելուն:

«Մենք հանձնաժողովի նիստից կհեռանանք»,-ասաց նա:

Երբ հանձնաժողովի նախագահ Անդրանիկ Քոչարյանն ասաց, որ Ղազինյանին կարող է հարցեր ուղղվեն, Ղազինյանն արձագանքեց. «Հարցեր պետք է ուղղվեն ձեզ հոկտեմբերի 7-ի հետ կապված,մ որովհետեւ իշխանություն դուք եք եղել»:

 Անդրանիկ Քոչարյանի եւ Արթուր Ղազինյանի միջեւ բանավեճ ծավալվեց, նրանք միաժամանակ սկսեցին խոսել: «Ձեզ ձայն տրված չի, պարոն Ղազինյան: Գեղամ Մանուկյանը ձեզ ներկայացնելուց հրաժարվեց, մենք հարցեր ունենք Գեղամ Մանուկյանին»:

Ղազինյանն էլ ասաց. «Մեր առաջարկը հոկտեմբերի 7-ի հետ կապված մերժվեց, իշխանությանը հետաքրքիր չէ պարզելու, թե ինչ հանգամանքներում է տեղի ունեցել ամսի 7-ի մերժումը, որ կարող էին չզոհվել հազարավոր մարդիկ: Օրակարգը իմ համար սպառված է այլեւս: Դա ձեր գլխացավանքն է, ձեր պատասխանատվությունն է: Ես դուրս եմ գալիս, շարունակելու որեւէ ցանկություն չունեմ»:

ՔՊ-ից Վահագն Ալեքսանյանն ասաց. «Խնդրում եմ, դուռը չշրխկացնել»:

Իսկ ՔՊ-ից Վիլեն Գաբրիելյանն էլ նշեց. «Ես ձեզ խորհուրդ կտամ ճեպազրույցների ժամանակ մանիպուլյացիաներ չանել»: Իսկ Անդրանիկ Քոչարյանն ասաց. «Մեծ-մեծ էլ չխոսեք»:

Հիշեցնենք, որ արդեն չորս անգամ հանձնաժողովի ՔՊ-ական  անդամները «Հայաստան» խմբակցության անդամ Արթուր Ղազինյանին չեն ընտրում ԱԺ մշտական հանձնաժողովի նախագահի տեղակալի պաշտոնում։

Տպել
Ամենաշատ