Աֆղանական բանակի անսպասելի կործանումն անակնկալի է բերել Պենտագոնին։ Այս մասին հայտարարել է ԱՄՆ պաշտպանության նախարար Լլոյդ Օսթինը, հաղորդում է Reuters-ը։
«Այն փաստը, որ աֆղանական բանակը, որը մենք եւ մեր գործընկերները պատրաստել էինք, պարզապես կործանվեց եւ մեզ բոլորիս անակնկալի բերեց»-ասել է նա։
Օսթինը գովասանքի խոսքեր է ասել անձնակազմին, որն օգնեց դուրս բերել Աֆղանստանից 124 000 աֆղանստանցիների։
Սենատի զինված ուժերի կոմիտեի բարձրագույն հանրապետական սենատոր Ջեյմս Ինհոֆը բացահայտ կերպով մեղադրել է նախագահ Ջո Բայդենի վարչակազմին 20 տարվա ջանքերի ամոթալի ավարտի համար: Ինհոֆն ասել է, որ Բայդենը անտեսել է ռազմական ղեկավարության առաջարկները։