News
Լրահոս
News
Շաբաթ
Դեկտեմբեր 04
Տեսնել լրահոսը


Այժմ Հայաստանի վիճակը շատ ավելի վատ է, քան պատերազմից անմիջապես հետո: Այս մասին, NEWS.amTALK TIME հաղորդմանը հյուրընկալվելով, ասաց, Razm.info մասնագիտացված ռազմական կայքի համակարգող Կարեն Վրթանեսյանը։

Նրա խոսքերով, Հայաստանի համար պարտությունների շարքը չավարտվեց նոյեմբերի 10-ին, օրեցօր այն զիջում է դիրքերը եւ ռազմական, եւ դիվանագիտական, եւ քաղաքական ասպարեզներում:

Նա կարծիք հայտնեց, որ Նիկոլ Փաշինյանն ամեն ինչ անում է, որ այս իրավիճակը շարունակվի:

«Բայց դա չի նշանակում, որ նրա հեռանալը ինքնաբերաբար կլուծի բոլոր խնդիրները: Ակնհայտ է, որ Փաշինյանի գալով խնդիրները խորացել են, եւ ի հայտ են եկել նոր մարտահրավերներ: Պատերազմը առնվազն մի քանի տարի կարող էր չսկսվել: Իսկ թե ինչ կլիներ Ադրբեջանի հետ այս ընթացքում, մեծ հարց է՝ հաշվի առնելով այս երկրի առջեւ ծառացած լուրջ տնտեսական խնդիրները: Իսկ պարտությունը կանխորոշված չէր, ինչպես ասում է Փաշինյանը, հատկապես նման պարտությունը: Անվտանգության ոլորտում իրավիճակը կտրուկ վատթարացել է ոչ միայն պատերազմի ընթացքում, այլեւ նոյեմբերի 10-ից հետո։ Զինված ուժերը այդպես էլ չվերականգնեցին, Պաշտպանության բանակում իրավիճակն այնքան վատ է, որ ես նույնիսկ չեմ ուզում դրա մասին խոսել: Բացի այդ, չկա արտաքին քաղաքականություն: Մենք տեսնում ենք կրճատումներ Զինված ուժերում, իսկ խնդիրները փորձում են լրացնել իբր եռամսյա վարժանքներ անցկացնելով, բայց արդեն իրենք էլ են խոստովանել, որ այդ մարդկանց տանում են դիրքեր: Այսինքն՝ հերթական անգամ անպատրաստ մարդկանց ուղարկում են, ըստ էության, ռազմաճակատ: Եւ այս մարդկանց մեջ արդեն կորուստներ կան»,- ասաց Կարեն Վրթանեսյանը:

Փորձագետի գնահատականով՝ պատերազմից հետո Հայաստանի իշխանությունները շատ արագ պետք է զբաղվեին բանակի վերականգնմամբ, անհրաժեշտ էր ամրապնդել նոր դիրքերը եւ պաշտպանել այն, ինչ մնացել էր հայկական կողմի վերահսկողության տակ, սակայն բանավոր պայմանավորվածությունների արդյունքում հայկական կողմը զիջեց կարեւոր դիրքերը:

«Մենք խոսում էինք նման վարքագծի անթույլատրելիության մասին, բայց այսօր Կապան քաղաքը թշնամու թիրախում է, հայ-իրանական միջպետական ճանապարհի մի մասը անցել է թշնամու վերահսկողության տակ: Այժմ իշխանությունները խոսում են շրջանցիկ ճանապարհի մասին, որի վերանորոգումը նոր ծախսեր կպահանջի: Բացի այդ, ձմռանը բեռնատարների համար դժվար կլինի այս ճանապարհով երթեւեկել: Այժմ իշխանությունները կփորձեն պարտության համար ստորին օղակներում պատասխանատուներ նշանակել: Այս առումով որոշ շոուներ կարող են կազմակերպվել խորհրդարանական հանձնաժողովի կողմից: Ժամանակին ես ասել եմ, որ ապրիլյան պատերազմի հանգամանքներն ուսումնասիրող հանձնաժողովը ոչ այլ ինչ է, քան բարձրաստիճան զինվորականների վրա ճնշման լծակ: Այս հանձնաժողովի աշխատանքի արդյունքում ոչինչ չպարզվեց: Ավելին, պարզվեց, որ ոչ մի սարսափելի բան չի եղել, իսկ մասնակիցներից ոմանք նույնիսկ բարձրացել են կարիերայի սանդուղքով, օրինակ՝ Հայաստանի ներկայիս պաշտպանության նախարարը»,- ընդգծեց նա:

Վրթանեսյանը նկատեց, որ ճանապարհների ապաշրջափակման գործընթացի փոխարեն տեղի է ունենում Ադրբեջանի կողմից Հայաստանի հետագա արգելափակում, Բաքուն հավակնում է Հայաստանի կենտրոնական մասը հարավին (Տիգրանաշենին) կապող ճանապարհին, ինչպես նաեւ Տավուշի ճանապարհին, որը Հայաստանը կապում է Վրաստանի հետ:

«Հայաստանի իշխանությունները ոչ միայն դեմ չեն այդ գործընթացներին, այլեւ հայտարարում են, որ Կապան-Գորիս ճանապարհի մի մասն անցնում է Ադրբեջանի տարածքով: Այսպիսով, նրանք փակում են միջազգային միջնորդների բերանը, եւ եթե նրանք դեմ են ցանկացած գործընթացների, ապա Բաքուն կասի, որ նույնիսկ Հայաստանի ընտրված ղեկավարը համաձայն է դրան»,- պարզաբանեց նա:

Ինչ վերաբերում է 44-օրյա պատերազմի ընթացքում իշխանությունների վարքագծին, նրանք, ինչպես հիշեցրեց փորձագետը, ինչ-որ պահի փակեցին տեղեկատվական հոսքը, եւ հայ հասարակությունը սկսեց տեղեկատվություն ստանալ թշնամու ռեսուրսներից:

«Հայաստանի իշխանությունները տեղեկատվական պատերազմ մղեցին ոչ թե թշնամու, այլ սեփական բնակչության դեմ»,- եզրափակեց նա:

!
Այս նյութը հասանելի է նաև   Русский
Տպել
Կարդացեք նաև
Ամբողջը
Բաքուն հայերին որպես պատանդ է պահում` քաղաքական նպատակներին հասնելու համար. իրավապաշտպան
Քանի որ կան չլուծված քաղաքական խնդիրներ...
Բաքվում 125 հայ գերի է պահվում. ՄԻԵԴ-ում հայ ռազմագերիների շահերի ներկայացուցիչ
Կան անհերքելի ապացույցներ՝ տեսագրությունների, լուսանկարների տեսքով...
Մելիքյան. պատերազմում պարտության համար ամբողջ մեղքը կարող են բարդել ԳՇ նախկին պետ Օնիկ Գասպարյանի վրա
«Ինչ-որ տեղ դա արդարացված կլինի: Ես նրա մեջ գեներալ չեմ տեսնում», - ասաց նա․․․
Վախենում եմ՝ մինչեւ հոկտեմբերի 1-ը կկատարվեն լուրջ գործընթացներ, որոնց մասին հանրությունը կիմանա ուշացումով. Տոնոյան
Հասարակությունը չի հասցնի որեւէ բան անել, ասել է Կարին Տոնոյանը...
«18-20 տարեկան տղերք ենք կորցրել, գունագեղ տոնակատարությամբ անկախության օրը նշելու ժամանակը չէ». փորձագետ
Ընդհանրապես հիշատակի մեր բոլոր միջոցառումները մենք պետք է առնվազն մեկ տարի հավուր պատշաճի կատարենք։ Եթե մենք սեպտեմբերի 21-ին իսկապես նշում...
Անկլավների հարցը վաղուց բանակցությունների սեղանին է, եւ հայկական կողմը տվել է իր համաձայնությունը. փորձագետ
Այսպես կոչված անկլավների հարցը վաղուց է դրված բանակցությունների սեղանին...
Ամենաշատ