Ռուսաստանում կորոնավիրուսով վարակման հաստատված դեպքերի թիվը մեկ օրում ավելացել է 23 888-ով՝ 7 511 026, տեղեկացնում է ՏԱՍՍ-ը՝ հղում կատարելով կորոնավիրուսային վարակի դեմ պայքարի դաշնային օպերատիվ շտաբին։
Հիվանդացածների թվի աճը առավելագույնն է հուլիսի 25-ից հետո։ Տոկոսային արտահայտությամբ այն կազմում է 0,31 տոկոս։
Բուժում ստացող պացիենտների թիվը ավելացել է ՝ 631 004։
Մեկ օրում ապաքինված պացիենտների թիվը՝ 18 826 (6 672 767)։ Դուրս գրված պացիենտների բաժինը, համաձայն շտաբի տվյալների, նվազել է՝ վարակվածների ընդհանուր թվի 88,8 տոկոսը։
Կորոնավիրուսից մահացու ելքերի թիվը անցած մեկ օրում ավելացել է 867-ով մեկ օր առաջվա 857-ի փոխարեն՝ կազմելով 207 255։ Այսպիսով, քովիդից մահացածների առավելագույն թիվը Ռուսաստանում ավելանում է երրորդ օրն անընդմեջ։
Հիվանդությունից պայմանական մահացությունը (վերջնականը կարելի է որոշել միայն համաճարակի ավարտվելուց հետո) մնացել է 2,76 տոկոս մակարդակում, վկայում են շտաբի տվյալները։