Սեպտեմբերի 27-ին ոստիկանության Վանաձոր քաղաքի Տարոնի բաժնի քրեական հետախույզները ստացան օպերատիվ տեղեկություն, որ Դուց թաղամասի բնակիչ, 22-ամյա մի երիտասարդ իր «Մերսեդեսով» Բաղրամյան փողոցում է, և ավտոմեքենայում թմրամիջոց կա:
Ոստիկանությունից NEWS.am-ին հայտնում են, որ թմրամիջոց ձեռք բերելու, պահելու և օգտագործելու կասկածանքով, մեքենայով հանդերձ, ժամը 23.30-ին նա բերման ենթարկվեց Տարոնի բաժին: Զննությամբ մեքենայի սրահի տարբեր մասերում հայտնաբերվեցին կանեփանման չորացված զանգվածներ, մեկը` կաթուցիչով: Հայտնաբերվեց նաև կանաչավուն թաց զանգված:
Ըստ երիտասարդի` չոր զանգվածը քաղել էր սեպտեմբերի 23-ին, ինքն էլ չորացրել ու մանրացրել էր, իսկ թացը քաղել էր այդ օրը նույն՝ Սև հողեր կոչվող տարածքում վայրաճ կանեփի թփերից:
Հայտնաբերվածն ուղարկվել է փորձաքննության, հանգամանքները պարզվում են:
