Ռուսաստանի Դաշնության Նախագահի մամուլի քարտուղար Դմիտրի Պեսկովը պատմել է Սոչիում Ռուսաստանի եւ Թուրքիայի ղեկավարների բանակցությունների արդյունքների մասին: Նրա խոսքով՝ Վլադիմիր Պուտինը եւ Ռեջեփ Թայիփ Էրդողանը պայմանավորվել են մինչեւ տարեվերջ բարձր մակարդակի համագործակցության խորհուրդ անցկացնել, եթե կորոնավիրուսի հետ կապված իրավիճակը թույլ տա, հայտնում է «Կոմերսանտ»-ը:
«Նախագահները պայմանավորվել են մշակել թեման եւ մինչեւ տարեվերջ Գերագույն պետական խորհուրդ անցկացնել: Դե, իհարկե, եթե սանիտարահամաճարակաբանական իրավիճակը թույլ տա, ինչն այդքան էլ բարեհաճ չէ մեր նկատմամբ»,- ասել է Պեսկովը մամուլի ասուլիսի ժամանակ:
