Սաակաշվիլիի գործերից մեկի քննումը վրացական դատարանում նախատեսված է նոյեմբերի 10-ին, «Sputnik Վրաստան»-ի հետ զրույցում ասաց նրա փաստաբան, քաղաքական գործիչ Բեկա Բասիլայան:
Վրաստանի երրորդ նախագահը Վրաստանի իշխանությունների կողմից ձերբակալվել էր հոկտեմբերի 1-ին: Նույն օրը Միխեիլ Սաակաշվիլին հացադուլ էր հայտարարել:
Վրաստանի նախկին ղեկավարը մեղադրվում է չարաշահումների մեջ, երկու գործով նրա նկատմամբ արդեն հեռակա կարգով դատավճիռ է կայացվել, որն ազատազրկում է նախատեսում մինչեւ վեց տարի ժամկետով, մնացած գործերը գտնվում են դատական վարույթում:
Շուտով նրան կառաջադրվի մեկ այլ մեղադրանք` պետական սահմանն ապօրինի հատելու համար: Վրաստանի դատախազությունը նշում է, որ Սաակաշվիլիին Ուկրաինա հանձնելու հարցը չի քննարկվում, եւ նա ստիպված կլինի իր պատիժը կրել հայրենիքում:
Օրերս Վրաստանի վարչապետ Իրակլի Ղարիբաշվիլին Սաակաշվիլիի դեմ աղմկահարույց մեղադրանք ներկայացրեց: Մասնավորապես, ըստ վարչապետի, Սաակաշվիլին եւ իր թիմը ծրագրում էին վրացի ընդդիմադիրների սպանությունը` անկարգություններ հրահրելու եւ երկրի իշխանություններին մեղադրելու համար: