Ռուսաստանին եւ Հայաստանին անհրաժեշտ է միջազգային հարթակներում ընդհանուր հարցերով համաձայնություն։ Այս մասինՀՀ ԱԺ նախագահ Ալեն Սիմոնյանի հետ հանդիպմանն ասել է Պետդումայի խոսնակ Վյաչեսլավ Վոլոդինը, հաղորդում է ՏԱՍՍ-ը։
«Ռուսաստանի եւ Հայաստանի հարաբերությունները հատուկ, ռազմավարական բնույթ են կրում։ Այդ կապակցությամբ առաջարկում եմ քննարկել Հայաստանին եւ Ռուսաստանին առնչվող հարցեր, շարունակել ընդհանուր դիրքորոշում մշակել միջազգայիհ հարթակներում ։ Սա միջխորհրդարանական համագործակցության նոր մակարդակ է, քանի որ մենք, որպես կանոն, շատ ենք խոսում բարեկամության մասին, սակայն պետք է իրականացնենք կոնկրետ քայլերով։ Հուսով ենք, որ խորհրդարանական մակարդակով այդ ուղղությունը կառանձնացնենք որպես առանցքային»,-ասել է Վոլոդինը։
Վոլոդինն ընդծգել է, որ կողմերը արդեն շատ բան են արել խորհրդարանական մակարդակում երկու երկրների հարաբերությունների զարգացման համար։ Նա նշել է, որ համագործակցությունը շարունակում է ամրապնդվել։
