ԱՄԷ-ում դատարանը մահապատժի է դատապարտել հինգ մարդու, ովքեր մեղադրվում են գործարարի առաջին աստիճանի սպանության եւ կողոպուտի համար, որի մարմինը հայտնաբերվել է սառնարանում, հայտնում են պետական լրատվամիջոցները:
Աջմանի քրեական դատարանը վճիռ է կայացրել երկրում գտնվող հինգ օտարերկրացիների նկատմամբ, ովքեր դանակահարել են արտասահմանցի գործարարին եւ նրա տնից ավելի քան 29 600 դոլար գողացել: Հաղորդագրության մեջ չեն նշվում մեղադրյալների անունները եւ նրանց ազգությունը, սակայն նշվում է, որ նրանք ասիական ծագում ունեն եւ 21-39 տարեկան են: Գործարարը եւս նույնականացվել է որպես ասիական ծագում ունեցող:
Միանգամից չի հասկացվում, թե երբ է կատարվել հանցագործությունը կամ դրան հաջորդած դատավարությունը:
Ոստիկանությունը հայտնել է, որ գործարարի մարմինը գտել են նրա սառնարանում այն բանից հետո, երբ ընկերները հայտնել են նրա անհետանալու մասին: Մեղադրյալները բնակարան են վարձել զոհի շենքում եւ նրա տուն մուտք գործելու համար սողալով անցել են օդափոխման անցքով: Ոստիկանները բռնել են սպանության երեք մեղադրյալներին, երբ նրանք փորձել են փախչել երկրից:
Իշխանությունները հայտնել են, որ ամբաստանյալները հարցաքննության ժամանակ խոստովանել են հանցագործությունը: Դատավճիռը, ամենայն հավանականությամբ, կարելի է բողոքարկել:
