ՆԱՏՕ-ն վտարել է դաշինքում ռուսական առաքելության ութ անդամի՝ հայտարարելով, որ նրանք «գաղտնի աշխատել են որպես հետախուզության սպաներ», հաղորդել է AP-ն:
«Մենք կարող ենք հաստատել, որ չեղարկել ենք ՆԱՏՕ-ում Ռուսաստանի առաքելության ութ անդամների հավատարմագրումը, որոնք չհայտարարված ռուս հետախույզներ էին», - ասել է ՆԱՏՕ-ի ներկայացուցիչը:
«Ռուսաստանի նկատմամբ ՆԱՏՕ-ի քաղաքականությունը մնում է հետեւողական: Մենք ուժեղացրել ենք զսպումն ու պաշտպանությունը՝ ի պատասխան Ռուսաստանի ագրեսիվ գործողությունների, մինչդեռ բաց ենք մնում կառուցողական երկխոսության համար», - ասել է պաշտոնյան:
«Ավելի քան 18 ամիս առաջ ՆԱՏՕ-ն առաջարկեց անցկացնել ՆԱՏՕ-Ռուսաստան խորհրդի հերթական նիստը, եւ այս առաջարկը մնում է ուժի մեջ: Գնդակը Ռուսաստանի դաշտում է», - ասել է պաշտոնյան: