Վրաստանի նախկին նախագահ Միխայիլ Սաակաշվիլիին ձերբակալել են հոկտեմբերի 1-ին։ Նույն օրը նա հացադուլ է սկսել։ Իր նամակներից մեկում Սաակաշվիլին նշել է, որ առողջության վատացման կամ ուշագնացության դեպքում կհրաժարվի բժիշկների օգնությունից։
Ինչպես հայտնել է բժիշկ-ռեանիմատոլոգ, Թբիլիսիի կլինիկայի կրիտիկական բժշկության դեպարտամենտի ղեկավար Վախթանգ Կալոիանին, հացադուլը կարող է լուրջ խնդիրներ առաջացնել նախկին նախագահի մոտ։
«Ինձ համար՝ որպես բժիշկ, շատ կարեւոր է նրա առողջական վիճակը։ Մենք պետք է անենք հնարավոր ամեն ինչ, որպեսզի նրա առողջությանն ու կյանքին ոչինչ չսպառնա»,-ասել է նա։
Այսօր թույլ կտան, որպեսզի փաստաբաններն այցելեն Սաակաշվիլիին։ Ընդ որում, բանտում արգելել են այլ անձանց հանդիպումները նախկին նախագահի հետ։
