Բրազիլիայի դաշնային ոստիկանությունը Ռիո դե Ժանեյրոյի նավահանգստում բռնագանձել է հինգ տոննա կոկաին, որն առաքվելու էր Մոզամբիկ, գրում է ՌԻԱ «Նովոստի»-ն։

«Ծառայողական շները կոնտեյներում, փոշե օճառի տուփերի մեջ հայտնաբերեցին մոտ 4,3 տոննա թմրանյութ։ Մինչ ոստիկանության աշխատակիցները բեռնաթափում էին թմրանյութը, հարկային ծառայության հետ համատեղ մեկ այլ խումբ հայտնաբերեց եւս մեկ կոնտեյներ՝ մոտ 700 կիլոգրամ նույն թմրանյութի պարունակությամբ»,- ասվում է դաշնային ոստիկանության կայքում հրապարակված հաղորդագրությունում։

Գերատեսչությունում տեղեկացրել են, որ կոկաինն ուղարկվում էր Մոզամբիկի նավահանգիստ, դրա հայտնաբերմանը, նավ բեռնվելուց առաջ, օգնել է անանուն զանգը։ Բռռնագանձվածի ծավալը կրկնակի գերազանցել է 2020թ. ռեկորդը, երբ առգրավվել էր 2,5 տոննա կոկաին։

Լրատվամիջոցների տեղեկատվությամբ՝ նավահանգստում կեղծված համարանիշերով մեքենայի մեջ ձերբակալվել է երկու տղամարդ, նրանց մեքենայում եւս 270 կիլոգրամ կոկաին կար։

Ենթադրվում է, որ նրանք կապված էին հիմնական խմբաքանակի հետ եւ փորձում էին յուրացնել բեռի մի մասը։ Թե ում էր պատկանում կոկաինը՝ առայժմ պարզված չէ։