Մոտ յոթ տարվա ընթացքում առաջին անգամ WTI տեսակի նավթի գինը գերազանցել է 80 դոլարը բարելի դիմաց, քանի որ համաշխարհային էներգետիկ ճգնաժամը շարունակում է մեծացնել նավթի պահանջարկը:
NYMEX-ում WTI նավթի նոյեմբերյան ֆյուչերսների գինն աճել է 1.17 դոլարով կամ 1.5 տոկոսով՝ մեկ բարելի դիմաց հասնելով 80.52 դոլարի: Հյուսիսամերիկյան նավթը բարելի դիմաց 80 դոլարից բարձր գին չէր գրանցել 2014 թվականի հոկտեմբերի 31-ից ի վեր, վկայում են Dow Jones շուկայի տվյալները:
Brent տեսակի նավթի դեկտեմբերյան ֆյուչերսների գինը ICE-ում աճել է 1.26 դոլարով կամ 1.5 տոկոսով՝ մինչեւ 83.65 դոլար մեկ բարելի դիմաց: