Երկուշաբթի երեկոյան Չեխիայի հարավ-արեւելքում՝ Տիշնով քաղաքում, բնակելի շենքում տղամարդը վիրավորել է վեց մարդու, նրանցից հինգի վիճակը ծանր է, հարձակվողը ձերբակալվել է, փոխանցում է «ՌԻԱ Նովոստի»-ն:
«Տղամարդը վիրավորել է վեց մարդու՝ նրանց կտրող եւ ծակող բնույթի վերքեր հասցնելով: Տուժածներից 5-ի վիճակը ծանր է, բոլոր վիրավորները տեղափոխվել են Բրնոյի շրջկենտրոնի հիվանդանոցներ (գտնվում են մերձակայքում): Հարձակվողը ձերբակալվել է: Դեպքի վայրում աշխատում է քննչական խումբը»,- ասել է Հալուպկան:
Իր հերթին, Տիշնովի քաղաքապետարանը Facebook-ում քաղաքի բնակիչներին տեղեկացրել է, որ «Յունգմանովի փողոցում, ըստ առկա տեղեկությունների, ընտանիքում դժբախտ դեպք է տեղի ունեցել, հարձակվողը ձերբակալվել է, իսկ ոստիկանությունը հետաքննություն է սկսել», եւ հանգստություն պահպանել: