Երկիր մոլորակի մագնիտասֆերայում անցած գիշեր մագնիսային փոթորիկ է սկսվել, դրա մակարդակը աստիճանաբար աճում է եւ արդեն հասել է միջին մակարդակի, վկայում են Գիտությունների ակադեմիայի Ֆիզիկայի ինստիտուտի Արեւի ռենտգենյան աստղագիտության լաբորատորիայի կայքում հրապարակված տվյալները, տեղեկացնում է ՌԻԱ «Նովոստի»-ն։
Համաձայն ինստիտուտի տվյալների՝ Մոսկվայի ժամանակով գիշերը ժամը 3-ին մոտ գրանցվել է թույլ մագնիսային փոթորիկ, ժամը 6-ից մինչեւ 9-ը այն հասել է միջին մակարդակի։
Երկրին հասած արեւային պլազմայի ամպը նման իրավիճակներում ավելացնում է ճառագայթման բեռնվածությունը տիեզերական արբանյակների վրա, ազդում մագնիսային դաշտի տատանումների վրա Երկրի մակերեսին, իսկ մագնիտասֆերայի փոփոխությունները երեւում են հյուսիսափայլերի ձեւով։ Մագնիսային փոթորիկների պահերին հյուսիսափայլերը կարելի է տեսնել 60-70 աստիճան լայնություններում, օրինակ՝ Սանկտ Պետերբուրգից, որը գտնվում է հյուսիսային լայնության 59 աստիճանում, կամ Մուրմանսկից (68 աստիճան)։
Բռնկումն Արեւի վրա, լաբորատորիայի տվյալների համաձայն, տեղի է ունեցել հոկտեմբերի 9-ին, ժամը 9.19-ին։ Դա միջին մակարդակի բռնկում էր։ Երկրին հասնելու համար նրան երեք օր էր հարկավոր։