Google-ը ստեղծել է կիբերանվտանգության գծով նոր թիմ, որն օգնում է արձագանքել եւ կանխել կիբերհարձակումները կառավարությունների, կարեւոր ենթակառուցվածքների ղեկավարների եւ այլ կարեւոր ընկերությունների դեմ, գրել է Axios-ը:
Թիմի ստեղծումը պատասխան է վերջերս կիբերհարձակումների եւ շորթող ծրագրերի հարձակումների աճին: Google-ը հայտարարել է, որ վերջին հարձակումները «խոսում են սպառնալիքներից պաշտպանության կարիքների էական փոփոխության անհրաժեշտության մասին»:
«Կիբերանվտանգությունը բարձրագույն ղեկավարության եւ տնօրենների խորհրդի օրակարգում է՝ հաշվի առնելով ծրագրային ապահովման մատակարարման շղթայում շորթող ծրագրերի եւ այլ հարձակումների աճող ժողովրդականությունը», - ասել է Google Cloud-ի գործադիր տնօրեն Թոմաս Կուրյանը: «Google-ի կիբերանվտանգության գծով թիմի գործողությունները մեր շարունակական հանձնառության մի մասն են՝ լինել լավագույն գործընկեր մեր կորպորատիվ եւ պետական պատվիրատուների համար անվտանգության փոխակերպման ճանապարհին», - ավելացրեց Կուրիան:
Թիմը, որը բաղկացած կլինի ընկերության կիբերանվտանգության փորձագետներից, կօգնի պետական հաստատություններին եւ ընկերություններին պաշտպանել թվային անվտանգության համակարգերը կիբերհարձակումներից:
