Ավստրալիայում երկու կին հինգ ամիս անցկացրել են ճաղերի հետեւում՝ Չինաստանից կոճապղպեղի թեյ պատվիրելու համար, հայտնում է Nine News-ը:
Քոնի Չոնգը եւ Մելանի Լիմը Նոր Հարավային Ուելս նահանգի Գրինաքր քաղաքից թեյի խմբաքանակ էին գնել, ինչը կասկածներ էր հարուցել ավստրալացի սահմանապահների մոտ: 2021 թվականի հունվարին ոստիկանությունը խուզարկությամբ այցելել էր կանանց տուն եւ նրանց մեղադրել թմրանյութերի ապօրինի շրջանառության մեջ: Ստուգումից հետո կանայք բանտարկվել էինե եւ այնտեղ անցկացրել գրեթե վեց ամիս:
Իրավապահները որպես հիմք էին ընդունել նախնական փորձաքննության արդյունքները, ըստ որի Չոնգի եւ Լիմի գնած թեյի մեջ արգելված նյութեր էին պարունակվում: Թեյի պաշտոնական փորձաքննությունը սկսվել էր միայն ապրիլին, իսկ դրա արդյունքները հայտնի էին դարձել հուլիսին:
Պարզվել է, որ թեյը թմրամիջոցների հետքեր չի պարունակում, իսկ կանայք ազատ էին արձակվել: Չոնգն ու Լիմը ներկայումս հայց են ներկայացրել վնասի փոխհատուցման համար, եւ նրանց փաստաբանը տեղի ունեցածը որպես «իր հանդիպած անարդարության ամենաակնառու դեպքերից» մեկն է որակել:
