Հոկտեմբերի 10-ին 67-ամյա մի կին ոստիկանության Մալաթիայի բաժնում տվել էր հաղորդում, որ նախորդ օրը, երեկոյան ժամը վեցին, իրենց տան մոտ անհայտ անձը բացահայտ հափշտակել էր իր դրամապանակը, որի մեջ եղել է 186 հազար դրամ:
Ոստիկանությունից NEWS.am-ին հայտնում են, որ փաստի առթիվ հարուցվեց քրեական գործ: Կողոպուտի բացահայտումը բարդացնող հանգամանք էր ուշ ահազանգը, ինչը, սակայն, չխանգարեց ոստիկաններին` խնդիրը լուծել օպերատիվ եղանակով:
Բաժնի համայնքային ոստիկանների և քրեական հետախույզների ձեռնարկած համատեղ միջոցառումների արդյունքում հոկտեմբերի 11-ին պարզվեց, որ կողոպուտը կատարել է Վերին Չարբախի բնակիչ, 23-ամյա մի երիտասարդ: Բացատրական աշխատանքի արդյունքում նա ներկայացավ բաժին, տվեց խոստովանական բացատրություն և ներկայացրեց հափշտակվածն ամբողջությամբ:
Հանգամանքները նախաքննոթյամբ պարզվում են: