ՕՊԵԿ-ը նվազեցրել է նավթի համաշխարհային պահանջարկի՝ 2021 թվականի իր կանխատեսումը, հայտնում է «ՌԻԱ Նովոստին»՝ վկայակոչելով կազմակերպության սեպտեմբերյան զեկույցը:
Օգոստոսին կանխատեսվող օրական 6 մլն բարելի փոխարեն պահանջարկի՝ 5.8 մլն բարելով աճ է կանխատեսվում:
ՕՊԵԿ-ը պահպանել է 2022 թվականի իր կանխատեսումը՝ պահանջարկի ավելացում ակնկալելով օրական 4.2 միլիոն բարելի չափով: Ընդհանուր առմամբ, այս տարվա վերջին եռամսյակի համար դրական հեռանկար է սպասվում՝ հաշվի առնելով սեզոնային պահանջարկը եւ էներգիայի արտադրության ոլորտում գազից նավթին անցնելու հնարավորությունը:
ՕՊԵԿ-ի ակնկալիքների համաձայն՝ նավթի համաշխարհային պահանջարկն այս տարի կկազմի օրական միջինում 96.6 մլն բարել, իսկ հաջորդ տարի այն կհասնի օրական 100.8 մլն բարելի, ինչը կգերազանցի «մինչքովիդային» ցուցանիշները:
