Կատարը Պարսից ծոցի երկրների համագործակցության խորհրդի անդամ երկրներին կոչ է արել հարթել Իրանի հետ հարաբերությունները, փոխանցում է Mehr-ը։

Կատարի արտաքին գործերի նախարար շեյխ Մոհամմադ բին Աբդուլրահման Ալ Թանին ասել է, որ իրանական միջուկային գործարքին վերադառնալը ձեռնտու է բոլորին՝ հավելելով, որ անդամ երկրները պետք է հարաբերություններ հաստատեն Իրանի հետ․ «Մեր շահերից է բխում միջուկային գործարքի վերահաստատումը, եւ մենք կտրամադրենք ցանկացած աջակցություն, որն անհրաժեշտ է դրա իրականացման համար»: