News
Լրահոս
News
Կիրակի
Հունվար 29
USD
395.53
EUR
393.43
RUB
6.42
Տեսնել լրահոսը

Իրանի զինված ուժերի շտաբի պետ, գեներալ-մայոր Մոհամմադ Բաղերին եւ Պակիստանի վարչապետ Իմրան Խանը ընդգծել են սահմանների անվտանգության ամրապնդումը:

Հանդիպման ընթացքում Իմրան Խանը հիշեցրել է իր հանդիպման մասին Իրանի նախագահ Իբրահիմ Ռաիսիի հետ Դուշանբեում ՇՀԿ գագաթնաժողովի շրջանակում, ինչը լրացուցիչ խթան է հանդիսացել երկկողմ համագործակցության համար:

Խանը Իրան-Պակիստան սահմանը բնութագրել է որպես «խաղաղության եւ բարեկամության» սահման եւ ընդգծել երկու կողմերի անվտանգության բարելավման ուղղությամբ ձեռնարկվող քայլերի կարեւորությունը:

Նա նաեւ նշել է սահմանամերձ շուկաներ ստեղծելու համաձայնությունը եւ ընդգծել, որ այդ շուկաների ներդրումը կնպաստի տարածաշրջանում ապրուստի միջոցների ապահովմանը:

Վարչապետը հավելել է, որ անցյալ տարի երկու լրացուցիչ սահմանային անցումների բացումը էլ ավելի է հեշտացրել կարգավորվող երթեւեկությանը երկու կողմերից:

Իրանի զինված ուժերի շտաբի պետը կոչ է արել խորացնել համագործակցությունը երկու հարեւանների միջեւ, այդ թվում՝ սահմանային անվտանգության ոլորտում:

Զրուցակիցները մտքեր են փոխանակել նաեւ տարածաշրջանում, իսլամական աշխարհում անվտանգության վերջին զարգացումների, մասնավորապես՝ Աֆղանստանում տիրող իրավիճակի վերաբերյալ:

!
Այս նյութը հասանելի է նաև   English and Русский
Տպել
Ամենաշատ